ކަންކަން ތަރުތީބުވެ ނިމެމުން ދަނީ، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ދެވަނަ ދައުރެއް ލިބުމަށް ފަހިވެ، ފަސޭހަވާ ގޮތަށް ކަމަށް، ސަރުކާރު ކޯލިޝަންގައި ހިމެނޭ އަދާލަތު ޕާޓީގެ ރައީސް، އަދި ހޯމް މިނިސްޓަރު އިމްރާން އަބްދުالله ވިދާޅުވެއްޖެއެވެ.
އިމްރާން މިފަދައިން ވިދާޅުވީ، އޭނާ ރޭ ކުރެއްވި ޓްވީޓެއްގައެވެ.
ޢިމްރާންގެ އެ ޓުވީޓުގައި ރައީސް ޞާލިހަށް ދެވަނަ ދައުރެއް ލިބުމަށް ފަސޭހަވާގޮތަށް ހިނގަނީ ކޮން ކަމެއް ކަން ވިދާޅުފައި ނުވިޔަސް، ބެލެވޭ ގޮތުގައި އެއީ، ރައީސް ޞާލިހުގެ ކެންޕެއިންގެ ކަންކަން ކުރިއަށްދާ ގޮތާއި، އެމްޑީޕީގެ މެންބަރުންގެ ތެރެއިން ކުރީގެ ރައީސް މުހައްމަދު ނަޝީދާއި އެމަނިކުފާނަށް ތާއީދު ކުރައްވާ ގިނަ މެންބަރުން ޕާޓީ ދޫކޮށް ދިޔުމާއި, އެފަދަ ކަންކަމާއި ގުޅުވައި ލިޔުއްވި ޓުވީޓެކެވެ.
އެގޮތުން އިމްރާން ވިދާޅުވީ، الله ގެ ހެޔޮ ރަހުމަތުން ކަންކަން ތަރުތީބުވެ ނިމެމުން ދަނީ، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށް ދެވަނަ ދައުރެއް ލިބުމަށް ފަހިވެ، ފަސޭހަވާ ގޮތަށް ކަމަށް، އިންސާފުވެރި، ހަރު ބުއްދީން ވިސްނާ ކޮންމެ މީހަކަށް ފެންނާނެ ކަމަށެވެ.
ރިޔާސީ އިންތިހާބުގެ ބާއްވަން ދެ މަސް ދުވަހަށް ވެފައިވާއިރު, އަދާލަތު ޕާޓީން ތާއީދު ކުރާ ކެންޑިޑޭޓް، ރައީސް ޞާލިހު ގެ ކެންޕެއިންގެ ކަންކަން އެ ޕާޓީންނާއި އަދާލަތު ޕާޓީ އަދި އެމްޑީއޭ އިންވެސް ވަނީ ފަށާފައެވެ.
ރައީސް ޞާލިހް ގެ އިތުރުން، ދަނގެތި ދާއިރާގެ މެންބަރު މުހައްމަދު ނާޒިމް އާއި، ޕީޕީއެމްގެ ރިޔާސީ ކެންޑިޑޭޓް ރައީސް ޔާމީން އަބްދުލްގައްޔޫމް އާއި، ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމްގެ އިތުރުން، ކުރީގެ ހޯމް މިނިސްޓަރު އުމަރު ނަސީރު ވެސް އިންތިޚާބު ގައި ވާދަކުރައްވައެވެ.
Advertisement
This content is created and paid for by advertisers and does not involve Voice Journalists
