މޯލްޑިވްސް އިންލަންޑް ރެވެނިއު އޮތޯރިޓީ (މީރާ) ގެ މުވައްޒަފުން ކެއާ ސޮސައިޓީއަށް ފައިސާގެ އެހީ ހަދިޔާ ކޮށްފިއެވެ.
އެގޮތުން މީރާގެ މުވައްޒަފުން ވަނީ ޖުމްލަ 43،150 ރުފިޔާ ކެއާ ސޮސައިޓީގެ ހުޅުމާލެ އެނެކްސް ފުރިހަމަ ކުރުމަށް ހަދިޔާ ކޮށްފައެވެ.
ކެއާ ސޮސައިޓީއިން ހުޅުމާލޭގައި އެނެކްސް އެއް ހުޅުވުމުގެ އަމާޒަކީ ތެރެޕީއާއި، ވަން އޮން ވަން ސަޕޯޓާއި، ތައުލީމީ ގޮތުން ކުރިއެރުމާއި، ވޮކޭޝަނަލް ޓްރޭނިންގ އަދި ވަޒީފާއަށް ތައްޔާރު ކޮށްދިނުން ފަދަ މުހިންމު ޚިދުމަތްތައް ފޯރުކޮށްދިނުން ކަމަށް އެ ސޮސައިޓީ އިން ވަނީ ބުނެފައެވެ.
މި އެނެކްސް އޮގަސްޓް މަހު ހުޅުވުމަށް ހަމަޖެހިފައިވާއިރު އެތަނުން ފޯރުކޮށްދޭ ޚިދުމަތްތަކަށް ރެޖިސްޓަރ ވުމުގެ ފުރުސަތު މިހާރު ވަނީ ހުޅުވާލައިފައެވެ.
Advertisement
This content is created and paid for by advertisers and does not involve Voice Journalists
