ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިހު ށ އަތޮޅަށް ކުރައްވާ އެމަނިކުފާނުގެ ރިޔާސީ ކެމްޕޭނު ދަތުރުފުޅުގެ ހަތަރުވަނަ މަންޒިލް، ށ. ފޯކައިދޫއަށް ވަޑައިގެންފި އެވެ. 

ރައީސް ޞާލިހު ފޯކައިދޫއަށް ވަޑައިގެންނެވުމުން، އެ ރަށު ކުދި ބޮޑު ގިނަ ރައްޔިތުން މަރުހަބާ ދެންނެވުމަށް ގޮސްފައިވާއިރު، އެމަނިކުފާނަށް މަރުހަބާ ކިޔާފައިވަނީ ރަތްދޫލައިންނެވެ. 

ރައީސް ޞާލިހު ފޯކައިދޫއަށް ކުރައްވާ މި ދަތުރުފުޅުގައި، އެ ރަށުގައި މި ސަރުކާރުން ގާއިމުކުރި ޒަމާނީ ފުޓްބޯޅަ ދަނޑު ވަނީ އިފްތިތާހްކޮއްދެއްވައިފައެވެ. 

Advertisement

އަދި ށ.ފޯކައިދޫގައި ހެލްތް ސެންޓަރަށް އިތުރު ކުރެވުނު އެކްސްޓެންޝަން އިމާރާތްވެސް އެމަނިކުފާނު ވަނީ އިފްތިތާޙް ކުރައްވާފައެވެ. 

މީގެ އިތުރުން ރައީސް ޞާލިހު ވަނީ ފޯކައިދޫ ފެނާއި ނަރުދަމާ ނިޒާމު އިފްތިތާހުކޮއްދެއްވާއި، އެ ރަށުގައި މި ސަރުކާރުން ތަރައްގީކުރި ބަނދަރު ހުޅުވައިދެއްވައިފައެވެ. 

ރައީސުލްޖުމްހޫރިއްޔާ ގެ ފޯކައިދޫގެ މި ދަތުރުފުޅުގައި، އެ ރަށު ރައްޔިތުންނާ ބައްދަލު ކުރައްވައި، ރައްޔިތުން ބޭނުންވާ ކަންކަން ދެނެގަތުމަށް މަޝްވަރާތައް ކުރިއަށް ގެންދިޔުމަށް ވަނީ ހަމަޖެހިފައެވެ. 

ފޯކައިދޫ ގެ އިތުރުން ރައީސް ޞާލިހުގެ ށ އަތޮޅުގެ މިދަތުރުފުޅުގައި އެ އަތޮޅު ކޮމަންޑޫ އާއި، މަރޮށްޓާއި، ނޫމަރާއަށްވެސް ވަނީ ވަޑައިގެންފައެވެ. 

ކުރިއަށް އޮތް ރިޔާސީ އިންތިޚާބަށް އެމަނިކުފާނުގެ މެނިފެސްޓޯ އެކުލަވާލުމުގެ މަސައްކަތް ކުރަމުންދާއިރު، ރަށްތަކަށް ކުރައްވާ ދަތުރުފުޅުތަކުގެ ތެރެއިން ޙާލަތު ވަޒަންކުރުމާއި ރައްޔިތުންނަށް އެންމެ ބޭނުން ޖެހިފައިވާ ކަންކަން ބަލައި ދެނެގަތުމުގެ މަސައްކަތްތައް ވެސް ކުރިއަށް ގެންދިއުމަށް ވަނީ ނިންމާފަ އެވެ.