ދިވެހިން ބޭނުން ވަނީ އުފާވެރި އަމާން މުސްތަޤްބަލެއް ކަމަށާއި އެމްޑީޕީ ކޯލިޝަނުން ބޭނުންވަނީ އަމާން އުފާވެރި ރާއްޖެއެއް ކަމަށް ދާޚިލީ ވަޒީރު އަދި އެމްޑީޕީ ކޯލިޝަންގެ އެއް ބައިވެރިޔާ ޢަދާލަތު ޕާޓީގެ ރައީސް ޝެއިޙް ޢިމްރާން އަބްދުالله ވިދާޅުވެއްޖެއެވެ.
ޢިމްރާން މިހެން ވިދާޅުވީ ރައީސް ޞާލިޙްގެ ރިޔާސީ ކެމްޕޭނު "އުފާވެރި އަމާން ރާއްޖެއަކަށް" ރަސްމީކޮށް ފެށުމަސް ށ ފޯކައިދޫގައި ބޭއްވުނު ޖަލްސާގައި ވާހަކަދައްކަވަމުންނެވެ.
ޢިމްރާން ވިދާޅުވީ އުފާވެރި ދުވަސްތަކެއް، އުފާވެރި ރާއްޖެއަށް، ރާއްޖެއަށް ލިބިގެންދާނީ ރައީސް ޞާލިޙާއި އެމަނިކުފާނުގެ ޓީމާއި އެކުގައި ކަމަށް ހަޤީޤަތް ޤަބޫލުކުރާ ކޮންމެ ދިވެއްސަކު ޤަބޫލު ކުރާނެ ކަމަށެވެ.
ރައީސް ޞާލިޙް ވަނީ ފުރަތަމަ ފަހަރަށް ދައުރެއް ނިމެންދެން ކޯލިޝަނަކީ އެކުގައި މަސައްކަތް ކުރެވޭ އެއްޗެއްކަން ސާބިތުކޮށްދެއްވަފައި ކަމަށް ޢިމްރާން ވިދާޅުވިއެވެ. ދައުރެއް އެއްކޮށްނިންމާ ކޯލިޝަނަކާއިއެކު ފުރަތަމަ ރިޔާސީ އިންތިޚާބަށް ނުކުންނެވި ރައީސަކީ ރައީސް ޞާލިޙް ކަމަށް ވެސް ޢިމްރާންގެ ވާހަކައިގައި ވިދާޅުވިއެވެ.
ޢިމްރާން ވިދާޅުވީ ކޯލިޝަނެއް ދެމި އޮންނަނީ އޭގަ މުހިންމު ސިފަތަކެއް އޮވެގެން ކަމަށެވެ.
އެގޮތުން ކޯލިޝަންގެ ބައިވެރިން އެއްބަޔަކު އަނެއްބަޔަކަށް އިޚްތިރާމް ކުރާ ބަޔަކަށްވެ، ކޯލިޝަންގެ ބައިވެރިންނަކީ ކަންކަމުގައި އެއްބަޔަކު އަނެއްބަޔަކާއި ކަންކަމުގައި މަޝްވަރާ ކުރާ ބަޔަކަށް ވެ، ކޯލިޝަންގެ ބައިވެރިންނަކީ އެއްބަޔަކު އަނެއްބަޔަކަށް ޓޮލެރޭޓް ކުރާ ބަޔަކަށް ވާން ޖެހޭ ކަމަށެވެ.
އަދި ކޯލިޝަންގެ ބައިވެރިންގެ އެންމެ މުހިންމު ސިފައަކީ އެންމެންގެ ތަފާތު ތައް ނައްތާލާ ޤައުމީ މަސްލަޙަތު އިސްކޮށްގެން ޤައުމާއިގެން ކުރިއަށް ދިޔުމުގެ އުފެއްދުންތެރިކަން އިސްކުރުން ކަމަށާއި ރައީސް ޞާލިޙް ވަނީ ސާބިތު ކޮށްދެއްވާފައި ދާޚިލީ ވަޒީރު ޢިމްރާންގެ ވާހަކައިގައި ވިދާޅުވިއެވެ.
"ރާއްޖެ ދެކެމުން މިދާ ހުރިހާ އުފަލަކާއި ހުރިހާ ތަރައްޤީއަކާއި ކުރިއެރުން މިގެނެސްދިނީ މިކޯލިޝަންގެ އެންމެ އެކުވެ ބައިވެރިވެގެން މިއަދާއި ހަމައަށް ގެންގޮސްދެވުނީމަ" ޢިމްރާން ވިދާޅުވިއެވެ.
ރޭ ފޯކައިދޫގައި ބޭއްވުނު ކެމްޕޭނު ރަސްމީކޮށް ފެށުމުގެ ޖަލްސާގައި ދައުލަތުގެ ގިނަ ވަޒީރުންތަކެއް ވަނީ ބައިވެރިވެ ވަޑައިގެންފައެވެ. ނައިބު ރައީސް ފައިސަލް ނަސީމާއި ކޯލިޝަންގެ އަނެއް ބައިވެރިޔާ އެމްޑީއޭގެ ލީޑަރ މީދޫ ދާއީރާގެ މެމްބަރު އަހްމަދު ޝިޔާމްވެސް ވަނީ ޖަލްސާގައި ބައިވެރިވެވަޑައިގެންފައެވެ.
Advertisement
This content is created and paid for by advertisers and does not involve Voice Journalists
