ފަރުދާގެ ބިއްދަށުގައި ސަރުކާރުން ހިނގަމުންދާ ޖަރީމާތައް ހާމަ ކުރުމުގެ ސިލްސިލާއެއް ތައްޔާރުކުރަމުން ދާކަމަށް އެމްޑީޕީގެ މިހާރުގެ ޗެއަރޕާސަން ފައްޔާޒް އިސްމާއިލްގެ ބޭބެ އިބްރާހިމް އިސްމާއިލް (އިބްރާ) ވިދާޅުވެއްޖެއެވެ.
އެގޮތުން އެމްޑީޕީގެ ރައީސްކަން ކުރިން ކުރެއްވި އިބްރާހިމް މިއަދު ކުރެއްވި ޓްވީޓެއްގައި ވިދާޅުވީ "ތަރައްޤީގެ ޕްރޮޖެކްޓްތަކަށް" ރައްޔިތުންގެ ލޯތައް ހުއްޓުވާފައި، ފަރުދާގެ ބިއްދަށުގައު ދައުލަތް ފުނޑުކުރަމުން، ހިނގަމުންދާ ޖަރީމާތައް ހާމަ ކުރުމުގެ ސިލްސިލާއެއް ތައްޔާރުކުރަމުންދާ ކަމަށެވެ.
މިއާއިއެކު އިބްރާހިމް ވަނީ ޙަޤީޤަތް ހާމަކުރުމުގެ ސިލްސިލާ އެއް އަންނާނެ ކަމަށް ވިދާޅުވެ އެކަމަށްޓަކައި އޭނާގެ އެކައުންޓަށް ފޮލޯކުރުމަށް އެދިފައެވެ.
އިބްރާހިމް އަކީ ކުރީގައި ހާއްސަ މަޖިލީހުގެ މެމްބަރެކެވެ. އެގޮތުން ގާނޫނު އަސާސީ އިސްލާހު ކުރާ ކޮމިޓީގެ މުގައްރިރު ކަން އިބްރާހިމް ވަނީ ކުރައްވާފައެވެ.
ފައްޔާޒްއަކީ ރައީސް ޞާލިހުއަށް ތާއީދުކުރައްވާ އެމަނިކުފާނަށް ކެމްޕެއިން ކުރެއްވުމުގައި އެންމެ އިސްކޮށް ހަރަކާތްތެރިވާ އެކަކު ނަމަވެސް އިބްރާހިމް އަންނަނީ ސަރުކާރާއި ދެކޮޅަށް އަޑު އުފުލާ ޓްވީޓުތައް ކުރަމުންނެވެ.
Advertisement
This content is created and paid for by advertisers and does not involve Voice Journalists
