އެމްޑީޕީގެ ރިޔާސީ ކެންޑިޑޭޓް، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު، އެމަނިކުފާނުގެ ކެންޕެއިނަށް ކ އަތޮޅަށް ކުރައްވާ ދަތުރުގެ ތެރެއިން، މިއަދުގެ ފަހު މަންޒިލް މާފުއްޓަށް ވަޑައިގެންފިއެވެ.
ރައީސް ޞާލިހު މާފުށްޓަށް އަށް ވަޑައިގެންނެވުމުން އެ ރަށު ރައްޔިތުން ވަނީ ސަގާފީ ހަރަކާތްތަކާއިއެކު އެމަނިކުފާނަށް ހޫނު މަރުހަބާއެއް ދަންނަވާފައެވެ.
ރައީސް ޞާލިހު މާފުށްޓަށް ވަޑައިގެންނެވުން-- ފޮޓޯ/ ވޮއިސް
މާފުށީގެ މި ދަތުރުގައި، ރައީސް ޞާލިހު އެ ރަށުގެ ރައްޔިތުންނާއި ބައްދަލުކުރައްވާ، ރައްޔިތުންނަށް ބޭނުންވާ ކަންކަމާއި ގުޅޭ ގޮތުން މަޝްވަރާ ކުރައްވާނެއެވެ.
ރައީސް ޞާލިހު މާފުށްޓަށް ވަޑައިގެންނެވުން-- ފޮޓޯ/ ވޮއިސް
މާފުށީގެ އިތުރުން، ރިޔާސީ އިންތިހާބު ކެމްޕެއިނަށް މާލެ އަތޮޅު ގުޅި، އަދި ގުރައިދޫ އަށްވެސް ރައީސް ޞާލިހު ވަނީ މިއަދު ވަޑައިގެންފައެވެ.
ރިޔާސީ އިންތިހާބުގެ ކެމްޕެއިނަށް މި ހަފްތާގައި ރައީސް ޞާލިހު ވަނީ ށ އަތޮޅުގެ ހަތަރު ރަށަކަށް ވެސް ޒިޔާރައް ކުރައްވާފައެވެ.
ކުރިއަށް އޮތް ރިޔާސީ އިންތިޚާބަށް ރައީސް ޞާލިހުގެ މެނިފެސްޓޯ އެކުލަވާލުމުގެ މަސައްކަތް ކުރަމުންދާއިރު، ރަށްތަކަށް ކުރައްވާ ދަތުރުފުޅުތަކުގެ ތެރެއިން ޙާލަތު ވަޒަންކުރުމާއި ރައްޔިތުންނަށް އެންމެ ބޭނުން ޖެހިފައިވާ ކަންކަން ބަލައި ދެނެގަތުމުގެ މަސައްކަތްތައް ވެސް ކުރިއަށް ގެންދިއުމަށް ވަނީ ނިންމާފަ އެވެ.
Advertisement
This content is created and paid for by advertisers and does not involve Voice Journalists
