ރައީސް އިބްރާހިމް މުޙައްމަދު ޞާލިޙް ވ ކެޔޮދޫ ސްކޫލްގެ މަލްޓީޕަރޕަސް ހޯލް ހުޅުވައިދެއްވައިފިއެވެ.

ރައީސް ޞާލިޙް ކެޔޮދޫ ސްކޫލްގެ މަލްޓިޕަރޕަސް ހޯލް ހުޅުވައިދެއްވައިފައިވަނީ ވ.އަތޮޅަށް ކުރައްވަމުން ގެންދަވާ ކެމްޕޭނު ދަތުރުފުޅުގެ ތެރެއިން މިއަދު ކެޔޮދުއަށް ކުރެއްވި ދަތުރުފުޅުގެ ތެރެއިންނެވެ.

ވ. ކެޔޮދޫ ސްކޫލުގެ މަލްޓިޕަރޕަސް ހޯލު ރަސްމީކޮށް ހުޅުއްވައިދެއްވައި ރައީސުލްޖުމްހޫރިއްޔާ ވަނީ އެ ހޯލު ބައްލަވާލައްވައިފައި ވާކަމަށް ރައީސް އޮފީހުން ބުނެފައިވެއެވެ.

Advertisement

މި ހޯލު މިއަދު ހުޅުވިގެންދިޔައިރު ކެޔޮދޫ ސްކޫލަށް ޖާގަ އިތުރު ކުރުމުގެ ގޮތުން ދެ ބުރީގެ ޢިމާރާތެއްގައި އިތުރު ކްލާސްރޫމުތަކެއް ޢިމާރާތްކުރުމުގެ މަސައްކަތް މިވަގުތު ހިނގަމުންދާ ކަމަށްވެސް ރައީސް އޮފީހުން ބުނެފައިވެއެވެ.

މ. އަތޮޅަށާއި ވ.އަތޮޅަށް ކުރައްވަމުން ގެންދަވާ ދަތުރުފުޅުގައި ބައެއް ރަށްރަށުގައި ނިމިފައިހުރި ތަރައްޤީގެ މަޝްރޫޢު ތައް ވަނީ އިފްތިތާޙް ކޮށްދެއްވައިފައެވެ.

އެގޮތުން ވ ރަކީދޫއަށް ވަޑައިގެން އެރަށު ބަނދަރު ރަސްމީކޮށް ހުޅުވައިދެއްވައިފައިވެއެވެ. އަދި މީގެ އިތުރުން ރަކީދޫގެ ރަށްގިރިމުގެ މައްސަލަހައްލުކުރުމަށް ހިންގި މަޝްރޫޢުގެ ނިމުން ފާހަގަ ކޮށްދެއްވައިފައިވެއެވެ.

ރައީސް ޞާލީޙް ވ އަތޮޅަށް ކުރައްވާ ދަތުރުފުޅުގައި ވ ރަކީދޫ، ކެޔޮދޫ، ފެލިދޫ، ތިނަދޫ އަށް ވަނީ ވަޑައިގެންފައެވެ.

އަދި ވ. ފުލިދޫއަށް ވަޑައިގަތުމަށްވެސް ވަނީ ހަމަޖެހިފައެވެ.