އިދިކޮޅު ޕީޕީއެމް/ޕީއެންސީގެ ރިޔާސީ ކެންޑިޑޭޓް ރައީސް އަބްދުالله ޔާމީން އަބްދުލްގައްޔޫމް ގެ ރަނިންމޭޓު ކަން، އެމަނިކުފާނުގެ 2013 ވަނަ އަހަރުގެވެސް ރަނިންމޭޓު، ޑރ. މުހައްމަދު ޖަމީލް އަހުމަދު ގަބޫލުކުރެއްވީ، ރިޔާސީ ކެންޑިޑޭޓަކަށް ވުމުގެ ނިޔަތުގައި ކަމަށް ހޯމް މިނިސްޓަރު ޢިމްރާން އަބްދުالله ވިދާޅުވެއްޖެ އެވެ.
ރިޔާސީ އިންތިހާބުގެ ކެމްޕެއިނަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި އެމަނިކުފާނުގެ ޓީމު ށ އަތޮޅަށް ކުރައްވަމުންދާ ދަތުރުފުޅުގައި އެ އަތޮޅު މިލަންދޫގައި ބޭއްވި "އުފާވެރި އަމާން ރާއްޖެ" ޖަލްސާގައި ވާހަކަ ދައްކަވަމުން އިމްރާން ވަނީ، ރައީސް ޔާމީން އަށް ވާދަނުކުރެވޭ ހާލަތެއްގައި އިދިކޮޅުު ޕީއެންސީން ވަކި ކެންޑިޑޭޓަކު ނެރެން މަޝްވަރާ ފަށާފައިވާތީ އެކަމަށް ވަރަށްބޮޑަށް ފާޑުވިދާޅުވެފައެވެ.
އެގޮތުން އިމްރާން ވިދާޅުވީ، ޕީޕީއެމުން އުޅެނީ ކެންޑިޑޭޓަކު ކަނޑައަޅާނެ ފޯމިއުލާއެއް ނުނެރިވެގެން ކަމަށެވެ. އެހެނީ "އެބޭފުން (އިދިކޮޅު) ވަރަށް ވިސްނަވާފައި، ވަރަށް ހިސާބު ޖައްސަވާފައި ނިންމެވި ކެންޑިޑޭޓު އޮންނެވީ ޖަލުގައި" ކަމަށާއި ރަނިންމޭޓަކަށް ނެންގެވި ބޭފުޅާ "އޮތީ ޖަލު ދޮރުމަތީގައި" ކަމަށް އިމްރާން ވިދާޅުވި އެވެ.
"އަޅުގަނޑު ކުޑަކުޑަކޮށް ބަލާލިން ކިހިނެއްތޯ ރަނިންމޭޓުކަން މި ހިނގަނީ. ބަލާލި އިރު މިވާ ގޮތަކީ ޖަލުގައި އޮތް ކެންޑިޑޭޓެއްގެ ރަނިންމޭޓުކަން ބަލައިގަންނާނެ ހަމަ އެކަކު ވެސް ނުވި އުޅެއުޅެ. އެންމެ ފަހުން ގޮސް މި ލިބުނީ އަޅުގަނޑުމެން އަރަބި ބަހުން ކިއާނެ ކަބްޝުލް ފިދާއޭ. މިކަހަލަ ވަގުތުކޮޅުގައި ފިދާއެއްގެ ގޮތުގައި ކަތިލާ ކަންބަޅި."
ހޯމް މިނިސްޓަރު ޢިމްރާން އަބްދުالله
މިއާއެކު ޢިމްރާން ވިދާޅުވީ ޑރ. ޖަމީލު ރަނިންމޭޓު ކަން ގަބޫލު ކުރެއްވީ ކެންޑިޑެސީގެ ބޭނުމުގައި ރައީސް ޔާމީން ޖަލުގައި އޮންނެވުމުން އެމަނިކުފާނަށް އިންތިހާބުގައި ވާދަ ނުކުރެވޭނެ ކަން އެނގިލައްވާތީ ކަމަށްމެވެ.
އެބޭފުޅާ ނުކުމެ ވަޑައިގެން ރަނިންމޭޓުކަން މި ގަބޫލު ކުރެއްވީ، ހީފުޅުކުރެއްވީ، ރަނިންމޭޓުކަން ގަބޫލު ކޮށްފިއްޔާ، ދެން ކެންޑިޑޭޓު ޖަލުގައި ބާއްވާލީމާ، ތިމަންނައަށްތާއޭ ކެންޑިޑެސީ ލިބެންޖެހޭނީ. އެހެންވެގެން އަސްލު ކެންޑިޑެސީ ގަބޫލު ކުރެއްވީ.
ހޯމް މިނިސްޓަރު ޢިމްރާން އަބްދުالله
ޖަމީލް އެފަދައިން ހީފުޅުކުރައްވައިގެން ހުންނަވަނިކޮށް، އެމަނިކުފާނާއި މަޝްވަރާ ކުރުމެއްވެސް ނެތި، މިހާރު ޕީޕީއެމް/ޕީއެންސީން ދަނީ އެހެން ކެންޑިޑޭޓެއް ނެރުމަށް މަސައްކަތް ކުރަމުން ކަމަށްވެސް އިމްރާން ވިދާޅުވިއެވެ. އެހެންނަމަވެސް އެކަމުގައިވެސް އިދިކޮޅުުގެ ދެ ބޭފުޅަކު އެއް ކެންޑިޑޭޓަކަށް އެއްބަސް ނުވާ ކަމަށާ، ފޯމު ހުށަހަޅަން ކަނޑައަޅައިފައިވާ ވަގުތު ކުޑަތަންވާ އިރުވެސް އިދިކޮޅު ކޮންގްރެސަށް ކެންޑިޑޭޓެއް ނެރެވޭނެ ކަމަށް ގަބޫލުފުޅު ނުކުރައްވާ ކަމަށް އިމްރާން ވިދާޅުވި އެވެ.
Advertisement
This content is created and paid for by advertisers and does not involve Voice Journalists
