ސެޕްޓެމްބަރު 9 ވަނަ ދުވަހު ބާއްވާ ރިޔާސީ އިންތިހާބުގައި ރައްޔިތުން ވޯޓު ދޭ ގޮތަކުން، ދިވެހިރާއްޖެ ދެހާހުގެ ކުރީކޮޅު އޮތް ހާލަތަށް ބަދަލުވެގެން ގޮސްދާނެ ކަމަށް ހޯމް މިނިސްޓަރު ޢިމްރާން އަބްދުالله ވިދާޅުވެއްޖެ އެވެ.
ގދ. ގައްދޫގައި އަންގާރަ ދުވަހުގެ ރޭ ބޭއްވި "އުފާވެރި އަމާން ރާއްޖެ" ޖަލްސާގައި ވާހަކަފުޅު ދައްކަވަމުން އިމްރާން ވަނީ، ގދ. މަޑަވެލި ކެމްޕެއިން ޖަލްސާ ސަރަހައްދުގައި ރޯކޮށްލައި، ތަނަށާއި ތަކެއްޗައް ގެއްލުން ދިނުމުން އެކަން ކުށްވެރި ކުރައްވާފައެވެ. އަދި މިއީ 2023 ވަނަ އަހަރު ރާއްޖޭގައި ސިޔާސީ ހަރަކާތް ހިންގަންޖެހޭ ގޮތެއް ނޫން ކަމަށާއި މިއަދު ރާއްޖޭގައި ސިޔާސީ މަސައްކަތް ކުރަންވާނީ އެންމެންނަށް ވެސް ސިޔާސީ މަސައްކަތް ކުރުމުގެ ޖާގަ އާއި މާހައުލުދީގެން، ސިޔާސަތު ވިއްކައިގެން ކަމަށް އޭނާ ވިދާޅުވި އެވެ.
މިއާއެކު އިމްރާން ވިދާޅުވީ، މިވަގުތު ހުއްޓި ތިބެވެނީ ރާއްޖޭގެ މުޅި ތާރީޚްގެ ވަރަށް މުހިންމު ދަނޑިވަޅެއްގެ ތެރޭގައި ކަމަށް ރާއްޖޭގައި މިހާރު ތިބި ޒުވާނުންގެ ތެރެއިން، އުމުރުން 30 އަހަރާއި 30 އަހަރުން ދަށުގެ ޒުވާނުން ވިސްނާލަން ޖެހޭކަމަށެވެ.
"ސެޕްޓެމްބަރު 9 ގައި ލެވޭ ވޯޓަކީ، އަޅުގަނޑުމެންގެ ރާއްޖޭގެ މުޅި ތާރީޚުގެ ހާލަތަށް ބަލާއިރުގައި، ބޮޑުތަނުން ފަހަތަށް ޖައްސައި ދެހާހުގެ ކުރީކޮޅަށް މިރާއްޖެ އަނބުރާ ގެންގޮސްދާނެ ހިސާބެއް. އަދި އެ ދުވަހުދޭ ވޯޓަކީ، އެ ވޯޓު، އަޅުގަނޑުމެންނާ އެއްކޮޅަށް، ރައީސުލްޖުމްހޫރިއްޔާ އަށް ދެއްވައިފިނަމަ، ކުރިއަށް އޮތް ފަސް އަހަރު ތެރޭގައި، މި ފަހަރު މި ފެނުނު ގޮތަށް ބަކާ ނަމަ، 5 އަހަރު ތެރޭގައި، 15 އަހަރުގެ މަސައްކަތުގެ ސްޕީޑް ގެންގޮސް ނިންމާނެ ދައުރަކަށް ވެގެން ދާނެ."
ހޯމް މިނިސްޓަރު ޢިމްރާން އަބްދުالله
އިމްރާން އިތުރަށް ވިދާޅުވީ ރައީސް ޞާލިހަކީ ކެމްޕޭނެއްގައި ވައުދެއް ވެވަޑައިގަންފިނަމަ، އެ ވައުދެއް ރަނުން ރަނަށް ފުއްދަވާ، ބޭފުޅެއް ކަމަށާ2 އެއީ މިއަދު ފެންނަން އޮތް ހަޤީޤަތެއް ކަމަށެވެ.
އެގޮތުން ފާއިތުވި ފަސް އަހަރު ތެރޭގައި، މިސަރުކާރުން ރަށްތަކަށް ތަރައްޤީ ގެނެސްފައިވާކަން ވާދަވެރި ސިޔާސީ ޕާޓީތަކުގެ މީހުން ވެސް ޤަބޫލުކުރާ ކަމަށް އިމްރާން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
