ރައްޔިތުންގެ މަޖްލިހުގެ ރައީސް އަދި އެމްޑީޕީގެ ކުރީގެ ރައީސް މުހައްމަދު ނަޝީދުގެ ފިކުރެއްގެ ދިރުމަށް ތާއީދު ކުރައްވާ މެންބަރުން އިސްވެ ތިއްބަވާ އުފެއްދެވި ސިޔާސީ ޕާޓީ، ދަ ޑިމޮކްރެޓްސް ގެ ރަސްމީ ވެބްސައިޓް މިއަދު ލޯންޗްކޮށްފިއެވެ.
ޑިމޮކްރެޓުންގެ ހަރަކާތްތަކުގެ މައުލޫމާތާއި ހަބަރުތައް ރިޔާސި އިންތިހާބުގެ ކެމްޕެއިންގައި އެޕާޓިން ކުރަމުން އަންނަ މަސައްކަތާއި ދަތުރުތަކުގެ އަދާހަމަތަކާއި އާންމު އެންގުންތައް މި ވެބްސައިޓުގައި ގެނެސްދީފައިވެއެވެ.
މި އަހަތުގެ ސެޕްޓެމްބަރު މަހުގެ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިހާބުގައި ދަ ޑިމޮކްރެޓްސްގެ ފަރާތުން ވާދަކުރައްވަނީ އިލްޔާސް ލަބީބް އަދި އެ ބޭފުޅާގެ ރަނިންގްމޭޓް ހުސައިން އަމްރުއެވެ.
އެމްޑީޕީގެ ރިޔާސި ޕްރައިމަރީގައި އެ ޕާޓީގެ އެތެރޭގެ ބައިބައިވުންތަކާއި ކޯޅުންތައް ބޮޑުވެ ރައީސް ނަޝީދުގެ ފިކުރެއްގެ ދިރުމަށް ތާއީދުކުރައްވާ ފަރާތްތަކުން އެ ޕާޓީން ވަކިވެ ވަކި ސިޔާސީ ޕާޓީއެއްގެ ގޮތުގައި ދަ ޑިމޮކްރެޓްސް އުފެއްދެވީއެވެ.
އޭގެ ފަހުން ރައީސް ނަޝިދާއި އެ މަނިކުފަނުގެ ސަޕޯޓަރުން އަންނަނީ އެމްޑީޕީ ރޫޅާލާނެ ކަމުގައި ބުނެ އަޑު އުފުލަމުންކަންވެސް ފަހަގަ ކޮށްލެވެއެވެ.
Advertisement
This content is created and paid for by advertisers and does not involve Voice Journalists
