ދަ ޑިމޮކްރެޓްސްގެ ވެރިކަމެއްގައި މަސްވެރިން ގައުމީ ޕެންޝަން ސްކީމުގައި ހިމަނައި، މަހުގެ އަގު 25ރ އަށް ބޮޑު ކުރައްވާނެ ކަމަށް އެ ޕާޓީގެ ރިޔާސީ ކެނޑިޑޭޓު އިލްޔާސް ލަބީބު މިއަދު ވިދާޅުވެއްޖެ އެވެ.
ގއ. ގެމަނަފުއްޓަށް ވަޑައިގެން ބޭއްވި ކެމްޕެއިން ހަރަކާތެއްގައި ވާހަކަ ދައްކަވަމުން އިލްޔާސް ވިދާޅުވީ، މަސްވެރިކަންނަކީ އިގުތިސޯދުގައި މުހިންމު ދައުރެއް އަދާކުރާ ބައެއް ކަމުގައިވީނަމަވެސް، މިހާރު އޮތް އުސޫލުން އެމީހުންނަށް ލިބެނީ 65 އަހަރުވުމުން ދޭ އަސާސީ ޕެންޝަން އެކަނި ކަމަށެވެ.
"އެމީހުންނަށް (މަސްވެރިންނަށް) އެބަޖެހޭ ޕެންޝަން ފަންޑުން އެހެން މީހުންނަށް ލިބޭ ހުރިހާ އިޔާނަތެއް ލިބެން، އެމީހުން ޕެންޝަން ފަންޑުގަ ބައިވެރިވެގެން އެމީހުން ކޮންޓްރިބިއުޓްކުރާ މިންވަރެއް ސަރުކާރުން އެމީހުންގެ ނަމުގައި ލާރި ސަރުކާރުން ލާނަން، އޭގެ ފައިދާއަކީ އެމީހުން ހައްޖަށް ދާން ނުވަތަ ގެ އަޅަނަން ކޮރެޓްރަލް އެއްގެ އެހެން މީހުންނަށް ޕެންޝަން ފަންޑު ބޭނުންކުރެވޭހެން މަސްވެރިންނަށްވެސް ބޭނުންކުރެވެން ޖެހޭ."
އިލްޔާސް ލަބީބު
މިއާއެކު އިލްޔާސް ވަނީ މިހާރު މަހުގެ އަގު 17ރ. ހުރިނަމަވެސް އޭނާގެ ވެރިކަމެއްގައި މަހުގެ 25ރ. އިތުރުކޮށްދެއްވާނެ ކަމަށް ވަޢުދުވެވަޑައިގެންފައެވެ.
"އާއިލާތަކަށް ލިބެމުން އައި މަހުގެ އާމްދަނީ ދަަށްވެއްޖެ. ތެލުގެ އަގު އިންތިހާއަށް ބޮޑުވެއްޖެ. އަޅުގަނޑުމެން ސަރުކާރަށް މި އަންނަނީ މަހުގެ އަގު އެންމެ ދަށް އަގެއްގެ ގޮތުގައި 25ރ.އަށް ކަނޑައަޅަން،"
އިލްޔާސް ލަބީބު
އިލްޔާސް ވިދާޅުވީ މަސް ކިލޯއެއްގެ އެންމެ ދަށް އަގު 25ރ.ގައި ބެހެއްޓުމުން މަސް ގަންނަ ފަރާތްތަކަށް ލިބޭ ގެއްލުން ފޫބައްދަން ސަރުކާރުން ސަބްސިޑީ ދޭނެ ކަމަށެވެ.
Advertisement
This content is created and paid for by advertisers and does not involve Voice Journalists
