ދަ ޑިމޮކްރެޓްސްގެ ވެރިކަމެއްގައި މަސްވެރިން ގައުމީ ޕެންޝަން ސްކީމުގައި ހިމަނައި، މަހުގެ އަގު 25ރ އަށް ބޮޑު ކުރައްވާނެ  ކަމަށް އެ ޕާޓީގެ ރިޔާސީ ކެނޑިޑޭޓު އިލްޔާސް ލަބީބު މިއަދު ވިދާޅުވެއްޖެ އެވެ.

ގއ. ގެމަނަފުއްޓަށް ވަޑައިގެން ބޭއްވި ކެމްޕެއިން ހަރަކާތެއްގައި ވާހަކަ ދައްކަވަމުން އިލްޔާސް ވިދާޅުވީ، މަސްވެރިކަންނަކީ އިގުތިސޯދުގައި މުހިންމު ދައުރެއް އަދާކުރާ ބައެއް ކަމުގައިވީނަމަވެސް، މިހާރު އޮތް އުސޫލުން އެމީހުންނަށް ލިބެނީ 65 އަހަރުވުމުން ދޭ އަސާސީ ޕެންޝަން އެކަނި ކަމަށެވެ. 

މިއާއެކު އިލްޔާސް ވަނީ މިހާރު މަހުގެ އަގު 17ރ. ހުރިނަމަވެސް އޭނާގެ ވެރިކަމެއްގައި މަހުގެ 25ރ. އިތުރުކޮށްދެއްވާނެ ކަމަށް ވަޢުދުވެވަޑައިގެންފައެވެ. 

އިލްޔާސް ވިދާޅުވީ މަސް ކިލޯއެއްގެ އެންމެ ދަށް އަގު 25ރ.ގައި ބެހެއްޓުމުން މަސް ގަންނަ ފަރާތްތަކަށް ލިބޭ ގެއްލުން ފޫބައްދަން ސަރުކާރުން ސަބްސިޑީ ދޭނެ ކަމަށެވެ.