ގައުމީ އެއާލައިން މޯލްޑިވިއަންގެ ފަރާތުން އިންޑިއާގެ ބެންގަލޫރަށް ސީދާ ދަތުރު ފަށަން ނިންމައިފިއެވެ.
މޯލްޑިވިއަން ބުނީ އޮކްޓޫބަރު މަހުގެ 30 ވަނަ ދުވަހުން ފެށިގެން ހަފްތާއަކު ދެ ފްލައިޓް ޝެޑިއުލްކުރެވިގެން ބެންގަލޫރަށް ދަތުރު ކުރުމަށް ހަމަޖެހިފައިވާކަމަށެވެ. އެއީ ހޯމަ އާއި ބުދަ ދުވަހުއެވެ.
މޯލްޑިވިއަން އިން ބުނީ މި ދަތުރުުތަކުގެ ޝެޑިއުލް ފަރުމާކޮށްފައި ވަނީ ޗުއްޓީ ހޭދަކުރާ މީހުންނާއި ވިޔަފާރި އަދި ބޭސްފަރުވާއަށް ދާ މީހުންނަށް ވެސް ފަސޭހަވާނެ ގޮތަށް ކަމަށެވެ. އަދި މިއަދުން ފެށިގެން މި ދަތުރުތަކަށް ޓިކެޓު ބުކް ކުރެވޭނެ ކަމަށްވެސްއެ ކުންފުނިން ބުނެފައިވެއެވެ.
މޯލްޑިވިއަނުން ބައިނަލްއަގުވާމީ ދަތުރުތައް މިހާރު ކުރަމުންދަނީ އިންޑިއާގެ ޓްރިވެންޑްރަމާއި ކޮޗިންގެ އިތުރުން ބަންގްލަދޭޝްގެ ޑާކާއަށެވެ. އެގޮތުން ކޮންމެ ދުވަހު ކަހަލަ ގޮތަކަށް އިންޑީއާގެ ޓްރެވިންޑްރަމް އަށާއި ކޮޗިންނަށް މޯލްޑިވިއަންގެ ދަތުރުތައްް އަންނަނީ ކުރަމުންނެވެ. އެ އެއާލައިނުގެ ފްލީޓުގައި މިހާރު 14 ބޯޓެއް އޮވެއެވެ.
Advertisement
This content is created and paid for by advertisers and does not involve Voice Journalists
