ވަރަށް ގިނަ ރައްޔިތުން، އިބްރާހިމް މުހައްމަދު ޞާލިހްއާއެކު އިންތިހާބު ނިމެންދެން ނުވަތަ ފަސް އަހަރުގެ ދައުރެއް ނިމެންދެން އެ މަނިކުފާނުގެ އަރިހުގައި ހުންނަވާނެތޯ ސުވާލު ކުރައްވާ ކަމަށާއި، އެފަރާތްތަކަށް ދޭން އޮތް ޖަވާބަކީ މި ހުންނެވީ ރައީސް ޞާލިޙްގެ ތަރައްގީއާއެކު ކުރިއަށް ދިއުމަށް އަތުކުރި އޮޅާލައިގެން ކަމުގައި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހްމަދު ސިޔާމް (ސަން ސިޔާމް) ވިދާޅުވެއްޖެއެވެ. 

ސިޔާމް މިފަދައިން ވިދާޅުވީ، ރިޔާސީ އިންތިހާބުގެ ކެމްޕެއިންގައި ރައީސް އިބްރާހިމް މުހައްމަދު ޞާލިހްގެ އަރިހުގައި ބ ތުޅާދޫއަށް ވަޑައިގަތެން އެރަށުގެ ސަޕޯޓަރުންނާއި ބައްދަލުކުރައްވާ ދެއްކެވި ވާހަކަފުޅުގައެވެ. 

ސިޔާމްގެ ވާހަކަ ފުޅުގައި ވިދާޅުވީ ސިޔާސީ ހަޔާތުގައި މި ހޭދަކުރެވުނު 25 އަހަރު ދުވަހުގެ ތެރޭގައި ވަރަށް ގިނަ ސިޔާސީ ލީޑަރުންގެ އަރިހުގައި ރަށްރަށަށް ދަތުރު ކުރެވުނު ކަމަށާއި އެހެންނަމަވެސް، އެ ރަށްރަށަށް ދިއުމުން އެ ރަށްރަށުގެ ރައްޔިތުންގެ ވާހަކަތައް އެބޭފުޅުން އަޑެއް ނާއްސަވާ ކަމުގައެވެ. 

Advertisement

އެހެނަމަވެސް، ރައީސް އިބްރާހިމް މުހައްމަދު ޞާލިހްގެ އަރިހުގައި ރާއްޖޭގެ 90 އަށްވުރެ ގިނަ ރަށްރަށަށް ދެވުން އިރު ފެނުނީ ފާއިތުވި 25 އަހަރު އެ ރަށްރަށުގެ ރައްޔިތުން އެދެމުންދިޔަ ނަރުދަމާއާއި ސާފު ބޯފެނުގެ އިތުރުން ކަރަންޓުގެ ހިދުމަތް އެއްކޮށް ނިމިފައިވާ މަންޒަރުކަމުގައެވެ. 

މީގެ އިތުރުން ސިޔާމް ވިދާޅުވީ، އިބްރާހިމް މުހައްމަދު ޞާލިހްގެ ދެން އަންނަ ވެރިކަމެއްގައި ބ އަތޮޅުގެ ކުދި ބޮޑު ހުރިހާ ރަށެއްގައި ފަތުރުވެރިކަން ހަބޭހަށް ފެތުރިގެން ދާނެކަމަށާއި، އޭގެ ސަބަބުން ހީނުކުރާ ވަރަށް މިގައުމުގެ އިގްތިސާދު އެތަށް ގުނައެއް މައްޗަށް ޖެހިގެން ދާނެ ކަމުގައެވެ.

އަދި ހަމައެއާއެކު ވިޔަފާރި ކުރާ އެއްވެސް ފަރާތެއްގެ ވިޔަފާރި ކުރިއަށް ނުގޮސްގެން އުޅެން ނުޖެހޭނެ ކަމުގައި ސިޔާމް ވިދާޅުވިއެވެ. 

ސިޔާމްގެ ވާހަކައިގައި އިތުރަށް ވިދާޅުވެފައިވަނީ، ހުރިހާ އެއަރޕޯޓެއް ގައިވެސް ޕްރައިވެޓް ޖެޓްތައް ޖެއްސޭނެހެން ތަަރައްގީ ކުރުމަށް މަސައްކަތް ކުރަމުން އަންނަ ކަމުގައި ރައީސް ޞާލިޙް އެބޭފުޅާއަށް ދަންނަވައިފައިވާކަމަށެވެ. 

ސިޔާމް އެންމެ ފުރަަތަމަ މިއަހަރުގެ ރިޔާސީ އިންތިހާބުގައި ވާދަކުރައްވާނެކަން އިއުލާންކުރެއްވިއެވެ. އެހެންނަމަވެސް ފަހުން އެ ނިންމެވުން ބަދަލު ކުރައްވައި ރައީސް ޞާލިޙަށް ތާއީދުކުރައްވައި އެމަނިކުފާނުގެ އަރިހުގައި ރާއްޖެގެ ރަށްތަކަށް ކެމްޕެއިން ދަތުރުތައް އަންނަނީ ކުރައްވަމުންނެވެ.