Advertisement
ކުރީދައުރުގައި ރައްޔިތުންނަށް ޚިދްމަތް ނުކުރެވި ދިޔައީ ރައްޔިތުންގެ ފައިސާއަށް ޚިޔާނާތްތެރިވުމުން: ރައީސް ޞާލިޙް
2013 އިން 2018 އަށް ދިޔަ ދައުރުގައި ރައްޔިތުންނަށް ކަމެއް ކޮށްނުދެވި ދިޔައީ ރައްޔިތުންގެ ފައިސާއަށް ޚިޔާނަތްތެރި ވުމުން ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް ޞާލިޙް މިހެން ވިދާޅުވީ ބ. އަތޮޅަށް ކުރައްވަމުންގެންދަވާ ކެމްޕޭނު ދަތުރުފުޅުގައި އެއަތޮޅުގެ ކަމަދުއަށް ވަޑައިގެން ދެއްކެވި ވާހަކަފުޅުގައެވެ.
"ދައުލަތަށް ލިބޭ ފައިސާ ޚަރަދުކުރަންވާނީ ރައްޔިތުންނަށް އެންމެ ފައިދާހުރިގޮތައް، ދައުލަތުގެ މުދާ ކުއްޔަށް ދީގެން ލިބޭ ފައިސާ ޚަރަދުކުރަން ޖެހޭނީ ރައްޔިތުންނަށް، އެކަމަކު 2013 އިން 2018 އާއި ދޭތެރޭ ވެރިކަން ކުރި ފަރާތްތަކުން އެކަން ނުކުރެވުނީ ކީއްވެގެންތޯ؟"
ރައީސް ޞާލިޙް ވިދާޅުވިއެވެ.
ރައީސް ވިދާޅުވީ މި ސުވާލު ކުރަން އެބަޖެހޭ ކަމަށެވެ.
"ފަސްއަހަރުގެ ފުރުސަތެއް ރައްޔިތުން ދެއްވި ހުރިހާ ބާރަކާއި އެކީގަ، މަޖިލީހުގެ ބޮޑު މެޖޯރިޓީއާއި އެކު، އެހެންނަމަވެސް ނުކުރެވުނީ ކީއްވެގެންކަން ވަރަށް ސާފުކޮށް އަޅުގަނޑުމެންނަށް އެބަ އިނގޭ، ދައުލަތުގެ ފައިސާއަށް ޚިޔާނަތްތެރިވީ، އިހުމާލުވީ"
ރައީސް ވިދާޅުވިއެވެ.
ރައީސް ޞާލިޙް ވިދާޅުވީ ބޮޑެތި ފަޅުތަކާއި ބޮޑެތި ރަށްތައް ކުއްޔަށްދީގެން ދައުލަތުގެ ބަޖެޓަށް ވައްދަންވީ ފައިސާ ގެއްލުވާލީ ކަމަށާއި، އެފައިސާ އަމިއްލަ އެކައުންޓަށް ޖަމާކުރެއްވި ކަމަށެވެ.
"ލިބުނު އެއްޗެއްވެއްޖެއްޔާ ޚަރަދު ކުރަން ޖެހުނީ ޕެޕަރ ސްޕްރޭޔާއި ޖަލުގައި ރައްޔިތުން ބެހެއްޓުމަށް"
ރައީސް އިބްރާހިމް މުޙައްމަދު ޞާލިޙް
ރައީސް ވިދާޅުވީ އޭރު ޤައުމުގެ އަމާންކަން އޮތީ ގެއްލިފައި ކަމަށާއި ވެރިކަން ކުރަންމަސައްކަތް ކުރީ ގަދަކަމުން ކަމަށެވެ. އަދި ބަޖެޓުގެ ބޮޑުބައި ހޭދަކުރަން ޖެހުނީ ޕެޕަރސްޕްރޭއަށް ކަމަށް ވިދާޅުވެ ކުރީގެ ވެރިކަމަށް ރައީސް ޞާލިޙް ވަރަށް ބޮޑަށް ފާޑު ވިދާޅުވެފައިވެއެވެ.
ބ.އަތޮޅަށް ކުރައްވާ މި ދަތުރުފުޅުގައި މިރޭ އެއަތޮޅު ދަރަވަންދޫގައި ބޮޑު ޖަލްސާއެއް ބޭއްވުމަށް ރައީސް ޞާލިޙްގެ ކެމްޕޭނު ޓީމުން ވަނީ ނިންމާފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
