އުތުރު ތިލަފަޅަށް ދިވެހި ސިފައިންނަން ނެތްކަމަށް ބުނެ ދައްކަމުންދަނީ ކަނޑައެޅިގެން ދޮގު ވާހަކަތަކެއް ކަމަށާއި، ރާއްޖެގެ މިނިވަންކަމާއި ގުޅުންހުރި އެފަދަ ބޮޑެތި ކަންކަމުގައި ސިފައިންގެ ބޮލުގައި އެފަދަ ތުހުމަތުއް ނޭޅުވުމަށް ޑިފެންސް މިނިސްޓަރު މާރިޔާ އަހްމަދު ދީދީ ގޮވާލައްވައިފިއެވެ. 

މާރިޔާ މިފަދައިން ވިދާޅުވީ މިނިސްޓަރ މާރިޔާ މިފަދައިން ވިދާޅުވީ ސޯލްޓް ކެފޭ ހުންނަ ޝައިންޓްރީ ބިލްޑިންގައި ގާއިމްކޮށްފައިވާ ރައީސް ސޯލިހުގެ ކެމްޕެއިން އޮފީހުގައި މިއަދު ހެނދުނު ބޭއްވި ނޫސްވެރިންގެ ބައްދަލުވުމެއްގައި ވާހަކަދައްކަވަމުންނެވެ. 

މާރިޔާ އިތުރަށް ވިދާޅުވި ފާއިތުވި ފަސް އަހަރު ދިވެހި ސިފައިންގެ ވަރަށް ރީތި ސާފު ރިކޯޑެއް އޮންނާނެ ކަމަށާއި އެހެންކަމުން އެކަން ކިލަނބުކޮށްލަން ނޫޅުމަށެވެ. 

Advertisement

މާރިޔާގެ ވާހަކަފުޅުގައި ވިދާޅުވީ އައިޖީއެމްއެޗް ހެދީރުވެސް އެއީ އިންޑިޔާގެ ބޭސްއެއް ކަމަށް ބަޔަކު ބުނަމުން އައިކަމަށާއި އަދި އައްޑޫގައި ހެދި ޕޮލިސް އެކަޑަމީ ހަދަމުން އައި އިރުވެސް ހަމަ އެފަދައިން ބުނަމުން އައިކަމަށެވެ. އަދި ދިވެހި ސިފައިންނަށް އުތުރު ތިލަފަޅަށް އެރުމުގެ ހުއްދަ ނެތްކަމުގައި ވިިދާޅުވެ ދައްކަވަނީ ބުހުތާނު ވާހަކަތަކެެއް ކަމުގައި ވިދާޅުވެ މާރިޔާ ވިދާޅުވީ، ދިވެހިންގެ ރައްކާތެރިކަމުގައި ތިއްބެވި ފުލުހުންނާއި ސިފައިންނަށް އެފަދަ ބަސްތައް ރައްދު ނުކުރެވުމަށް އިލްތިމާސް ކުރައްވާ ކަމުގައެެވެ.