ޖުމްހޫރީ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމަކީ ޖަވާހިރެއް ކަމަށް އެމަނިކުފާނުގެ އަނބިކަނބަލުން އަދި ޓްރާންސްޕޯޓް މިނިސްޓަރު އައިޝަތު ނަހުލާ ވިދާޅުވެއްޖެ އެވެ.
ހުޅުމާލޭ ދެވަނަ ފިޔަވަހީގައި ރޭ ޖޭޕީގެ ޖަގަހަ ހުޅުވުމަށް ބޭއްވި ޖަލްސާގައި ވާހަކަދައްކަވަމުން، ގާސިމް އަށް ތައުރީފް ކުރައްވައި ނަހުލާ ވިދާޅުވީ ގާސިމަކީ ވިޝަނަރީ ލީޑަރެއް ކަމަށެވެ. އަދި އެމަނިކުފާނަކީ އީޖާދީ ކަންކަމަށް ލޯބިކުރައްވާ، ބޭފުޅެއް ކަމަށާ، އެމަނިކުފާނު ކަންކަން ކުރައްވާނީ ވެސް، ދުނިޔޭގައިވެސް ތިބި އެކަމަކަށް އެންމެ މޮޅު މީހުން ގެނެސްގެން ކަމަށް ނަހުލާ ވިދާޅުވި އެވެ.
މިއާއެކު ނަހުލާ ވިދާޅުވީ، މީސް މީޑިއާގައި ގާސިމްގެ ނަން ހުތުރު ކުރައްވަން، އެމަނިކުފާނާއި ގުޅޭގޮތުން ދޮގު ވާހަކަތައް ފަތުރަމުން ދިޔަ ނަމަވެސް ގާސިމަކީ ޖަވާހިރެއް ކަމަށެވެ.
ސޯޝަލް މީޑިއާގައި، ގާސިމް އިބްރާހިމް ގެ ނަން ހުތުރު ކުރަން، ސޭޓު ފަޅެއް ދަމައިގެންފި. މަހުޖަނު ރަށެއް ކާލައިފި. ކޮންމެ ސަރުކާރަކުން ބޮޑު ޕޯޝަން ނަގައިގެން ބުރުމާ ގާސިމު އިންނާނީ ގޭގައި. އަޅުގަނޑުމެންގެ މި ތިބަ ލޮބުވެތި ޒުވާނުންނަށް، އަދި މިރާއްޖޭގެ ގިނަ ޒުވާނުންނަށް، ގާސިމް އިބްރާހިމް އެނގޭ ގޮތަކީ މިއީ.
އައިޝަތު ނަހުލާ
މިއާއެކު ނަހުލާ ވިދާޅުވީ، ގާސިމް އަކީ އެފަދަ ބޭފުޅެއް ގޮތަށް ޒުވާނުންނަށް ސިފަ ވެފައިވަނީ، ސިޔާސީ ލީޑަރުންގެ ނަމުގައި ރާއްޖޭގައި ތިބި ބޭފުޅުން، އެމަނިކުފާނުގެ ނަން ހުތުރު ކުރަން ކުރަމުންދާ މަސައްކަތް ތަކުގެ ސަބަބުން ކަމަށެވެ.
އެބޭފުޅާގެ (ގާސިމްގެ) ވާހަކަ ދައްކަމުން އަގުވައްޓަމުން ކޮން ކަމެއްތޯ ނުކުރައްވަނީ. އެކަމަކު އަޅުގަނޑު ދަންނަވަން އޮތީ، ކިސަޑު ގަނޑެއްގައި އޮތަސް ޖަވާހިރެއް ވާނީ ޖަވާހިރަކަށޭ.
ޢައިޝަތު ނަހުލާ
ނަހުލާ ވިދާޅުވީ، ގާސިމަށް ލިބުނު އާމްދަނީގެ 65 ޕަސެންޓް ހޭދަކުރީ މި ގައުމުގެ ނިކަމެތި ރައްޔިތުންނަށްޓަކާ ކަމަށާއި އެތަށް ބަޔަކަށް ގާސިމް އެހީތެރިވެފައިވާ ކަމަށެވެ. އަދި އެމަނިކުފާނު އެކަން ކުރަނީ ރައްޔިތުންނަށް އިންސާފު ހޯދައިދީ އަދި ދަރަނި ނައްތާލައި ރާއްޖެ އަށް ކުރިއެރުން ހޯދައިދިނުމަށްޓަކާ ކަމަށްވެސް ނަހުލާ ވިދާޅުވިއެވެ
Advertisement
This content is created and paid for by advertisers and does not involve Voice Journalists
