Advertisement
10 އަހަރު ނުލިބި، އަޅުގަނޑުމެން މިއެދޭ ތަރައްޤީއެއް ނުގެނެވޭނެ: ރައީސް ޞާލިޙް
10 އަހަރު ނުލިބި، އެމްޑީޕީ ކޯލިޝަނުން ރާއްޖެއަށް ގެންނަން ބޭނުން ތަރައްޤީއެއް ނުގެނެވޭނެ ކަމަށް ރައީސް އިބްރާހިމް މުޙައްމަދު ޞާލިޙް ވިދާޅުވެއްޖެއެވެ.
ރައީސް މިހެން ވިދާޅުވީ މިއަދު ހދ.އަތޮޅަށް އެމަނިކުފާނު ކުރައްވަމުން ގެންދަވާ ދަތުރުފުޅުގައި އެއަތޮޅު ހިރިމަރަދޫއަށް ވަޑައިގެން އެރަށު ރައްޔިތުންނާއި ބައްދަލު ކުރައްވައި ދެއްކެވި ވާހަކަފުޅުގައެވެ.
ރައީސް ޞާލިޙް ވިދާޅުވީ އެމަނިކުފާނުގެ ސިޔާސަތުތަކާއި ވާދަވެރިންގެ ސިޔާސަތިތަކާއި ވަރަށްބޮޑު ތަފާތެއް އެބަހުރި ކަމަށެވެ. މާޒީގައި އެބޭފުޅުން ކަންކުރެއްވިގޮތާއި މިފަސްއަހަރު އެމަނިކުފާނުގެ ސަރުކާރުން ކަންކުރިގޮތުގެ ތަފާތު ރައްޔިތުންނަށް ފެނިގެން ދާނެ ކަމަށްވެސް އެމަނިކުފާނު ވިދާޅުވިއެވެ.
Advertisement
ރައީސް ވިދާޅުވީ އެބޭފުޅުންގެ ރާޑަރަށް ކުދި ރަށްތައް ނާރާ ކަމަށާއި ކަންކަން ކޮށްދެއްވީ ބޮޑެތި ރަށްތަކަށް ކަމަށެވެ. އަދި އެސިޔާސަތު ބަދަލު ކުރައްވަނީ ހައެކަނި އިންތިޚާބު ތަކާއި ދިމާކޮށް ކަމަށް ރައީސް ވިދާޅުވިއެވެ.
"އަޅުގަނޑުމެންގެ ވިސްނުން ވަރަށް ތަފާތު، އަޅުގަނޑުމެންގެ ވިސްނުމަކީ މުޅި ރާއްޖެ ތަރައްޤީކުރުން، ރާއްޖެ ތަރައްޤީ ކުރެވޭނީ އެއްއަހަރަކުން ފަސް އަހަރަކުންނޫން، ދިގުރާސްތާގެ ޕްލޭނެއް އޮވެގެން އެކަން ކުރެވޭނެ، އެއީ ކުރަންހުރި ކަންކަން ގިނަވީމަ، އަޅުގަނޑުމެންގެ ޕްލޭންއަކީ 10 އަހަރުމަދުވެގެން ނެތިއެއް ރާއްޖެއަކަށް އަޅުގަނޑުމެން މިއެދޭ ބަދަލުތަކެއް އަޅުގަނޑުމެން މިއެދޭ ޕްރޮޖެކްޓް ތަކެއް ހިންގާ ނިންމައެއް ނުލެވޭނެ"
ރައީސް އިބްރާހިމް މުހައްމަދު ޞާލިޙް
ރައީސް ޞާލިޙް ވިދާޅުވީ ދެވަނަ ދައުރަކަށް ކުރިމަތިލެއްވީ އެސަބަބަށްޓަކައި ކަމަށެވެ.
"އިރާދަކުރެއްވިއްޔާ ރައްޔިތުން ތިއެދޭގޮތައް 9 ސެޕްޓެމްބަރުގައި އެކަން ނިމިގެން ދިޔައީމަ ރައްޔިތުން ތިއެދޭ ހެޔޮ ބަދަލު އުފާވެރި އަމާން ރާއްޖެ ތިބޭފުޅުންނަށް ހަމަ ޔަޤީނުންވެސް އިރާދަކުރެއްވިއްޔާ ކަށަވަރުވެގެންދާނެ" ރައީސް ޞާލިޙް ވިދާޅުވިއެވެ.
އިންތިޚާބަށް 6 ދުވަހަށް ވެފައިވާއިރު ކެންޑިޑޭޓުންގެ ކެމްޕޭނުގެ ހަރަކާތްތައް ވަނީ ކުރިއަށްވުރެ އަވަސްވެ ވާދަވެރިވެފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
