ރައީސް ޞާލިޙް ނޫން ބޭފުޅަކަށް މިޤައުމުގެ ގޮވައިގެން ކުރިއަށް ނުދެވޭނެ ކަމަށް ދާޚިލީ ވަޒީރު ޝައިޚް ޢިމްރާން އަބްދުالله ވިދާޅުވެއްޖެއެވެ.
ޢިމްރާން މިހެން ވިދާޅުވީ ރޭ ކުޅުދުއްފުށީ ސިޓީގައި ބޭއްވުނު ރައީސް ޞާލިޙްގެ ކެމްޕޭނު ޖަލްސާގައި ވާހަކަދައްކަވަމުންނެވެ.
ރިޔާސީ އިންތިޚާބަށް 8 ބޭފުޅުން ކުރިމަތި ލައްވައިގެން ތިބި އިރު ވެރިކަން ހަވާލު ކުރުމުން ހަމަސްދުވަހުވެސް ވެރިކަން ނުކުރެއްވެވޭނެ 5 ބޭފުޅުން އޭގެތެރޭގައި އެބަތިއްބެވި ކަމަށް ޢިމްރާން ވިދާޅުވިއެވެ.
ޢިމްރާން ވިދާޅުވީ ރައީސް ޞާލިޙާއި އެންމެ ގާތުން ވާދަކުރައްވާ ކެންޑިޑޭޓަށް ވެރިކަން ހަވާލުކުރިޔަސް ވެރިކަން ކުރެވެން ނެތްކަމަށެވެ. މި ސަރުކާރުން ދަރަނި ނަގާފައި ހުރުމުން ޤައުމު ހިންގެން ނެތްކަމަށް އެބޭފުޅުންވެސް އެބަބުނަމުންދާކަމަށެވެ.
"އާދެ އަޅުގަނޑުމެން މިއުޅެނީ ދަރަނި ނަގަންޖެހޭ ވަގުތުގަ ދަރަނި ނަންގަވާ ދަރަނިން ކުރަންޖެހޭ ކަންތައް ކުރައްވާ، ދަރަނި މެނޭޖް ކުރައްވާ، ދަރަނި އަރަންޏަކަށް ބަދަލުކުރައްވާ، ލޯނު ދައްކާ މިޤައުމައިގެން ކުރިއަށް ގޮސް އުފާވެރި އަމާން ރާއްޖެއަކަށް ދެވޭނެ ކެންޑިޑޭޓަކާއި އެކު އަޅުގަނޑުމެންމިތިބީ، އަޅުގަނޑުމެން މިޤައުމު ކުރިއަށްގެންދާނީ، މިރޭ ވަރަށް ސާފުވެގެން މިދިޔައީ އަޅުގަނޑުމެންގެ ރައީސް ނޫން އެހެންބޭފުޅަކަށް މިޤައުމާއިގެން ކުރިއަށް ނުދެވޭނެ ކަން" .
ދާޚިލީ ވަޒީރު ޢިމްރާން އަބްދުالله
ޢިމްރާން ވިދާޅުވީ ލީޑަރޝިޕްގެ ފަލްސަފާވެރިން ވިދާޅުވާ ލީޑަރެއްގެ ތިން ސިފަ ހުރީ، ރިޔާސީ އިންތިޚާބުގައި ވާދަކުރައްވާ 8 ކެންޑިޑޭޓުންގެ ތެރެއިން ރައީސް ޞާލިޙްގެ އެކަނި ކަމަށެވެ. ޢިމްރާން ވިދާޅުވީ އިންތިޚާބު މަޖަލަކަށް ސަަކަރާތަކަށް ހައްދަވައިގެން އުޅުއްވާ ފަރާތްތަކަށް ވޯޓު ނުދެއްވުމަށެވެ.
ރޭގެ ޖަލްސާގައި ކުޅުދުއްފުށީ ސިޓީގެ މޭޔަރު އާތިފްވެސް ވަާހަަކަދައްކަވައިފައިވެއެވެ.
Advertisement
This content is created and paid for by advertisers and does not involve Voice Journalists
