އައްޑޫ ސިޓީ ފޭދޫ ފުޓްބޯޅަ ދަނޑު ރައީސް އިބްރާހިމް މުޙައްމަދު ޞާލިޙް މިރޭ ހުޅުވައިދެއްވައިފިއެވެ.

އައްޑޫ ސިޓީ ފުޓުބޯޅަ ދަނޑު ރައީސް ޞާލިޙް ހުޅުވައިދެއްވީ މިއަދު އައްޑޫއަށް ފެއްޓެވި ކެމްޕޭނު ދަތުރުފުޅުގައި ފޭދޫ އަށް ވަޑައިގަންވައި ރޭގެ އިރާކޮޅުގެ ވަގުތެއްގައެވެ.

މިރޭ ރައީސް ޞާލިޙް ހުޅުވައިދެއްވި  އައްޑޫ ސިޓީ ފޭދޫ ފުޓުބޯޅަ ދަނޑަކީ، ޓަރފްއަޅައިގެން ޒަމާނީ ފެންވަރަށް ތަރައްޤީކޮށްފައިވާ ފުޓުބޯޅަ ދަނޑެކެވެ. މިދަނޑުގެ މަސައްކަތް ކޮށްފައި ވަނީ އެމްޓީސީސީއާ އަދި އަމީން ކޮންސްޓްރަކްޝަން ޕްރައިވެޓް ލިމިޓެޑާއި ހަވާލުކޮށްގެންނެވެ.

Advertisement

ފޭދޫ ދަނޑު ހުޅުވުމަށް ބޭއްވި ރަސްމިއްޔާތުގައި ރައީސް ޞާލިޙް. ފޮޓޯ: ރައީސް އޮފީސް

ރައީސް އޮފީހުން ބުނީ ޒުވާނުންނަށް ކުޅިވަރު ކުޅެވޭނެ މަގުތައް ފަހިކޮށްދިނުމުގެ ގޮތުން ޒަމާނީ ފެންވަރުގެ ފުޓުބޯޅަ ދަނޑުތަކާއި، ފުޓުސަލް ދަނޑުތައް، އަދި ކުޅިވަރު ކޯޓުތައް އަޅައި، ކުޅިވަރުގެ ތެރެއިން ރައްޔިތުންނަށް ދުޅަހެޔޮ އުފާވެރި ދިރިއުޅުމަކަށް މަގުފަހިކޮށްދިނުމަށް ސަރުކާރުން ވަނީ ގިނަ މަޝްރޫޢުތަކެއް އަތޮޅުތަކުގައި ހިންގާފައި ވާކަމަށެވެ.