މީޑިޔާތަކުގައި ފަތުރަމުންދާ ހަބަރުތަކާއި ގުޅިގެން އިންޑިޔާ އާއި ދިވެހިރާއްޖޭގެ ގުޅުމަށް ބުރޫ އަރާނެކަމުގައި ފޮރިން މިނިސްޓްރީން ބުނެފިއެވެ.
މި ސިޓީއާއި ގުޅިގެން ފޮރިންމިނިސްޓްރީން ކުރި ޓުވީޓެއްގައި ބުނެފައިވަނީ، އެ ސިޓީއަކީ އެއްވެސް އަސްލެއް ނެތް ސިޓީއެއް ކަމަށާއި އެއީ ފޯޖުކޮށްގެން ހަދައިފައިވާ ސިޓީއެއްކަމަށެވެ.
މީގެ އިތުރުން ފޮރިން މިނިސްޓްރީގެ ޓުވީޓުގައި ހަބަރު ފަތުރާ ފަރާތްތަކުން ހަބަރުފެތުރުމުގައި މިހާރަށްވުރެ ބޮޑަށް ޒިންމާދާރުވުމަށް ގޮވާލައިފައެވެ.
ފޮރިން މިނިސްޓްރީން މިފަދައިން ބުނެފައި ވާއިރު، އިންޑިއާގެ ޚާރިޖީ ވަޒީރު ޑރ.ސުބްރަމަނިޔަން ޖައިޝަންކަރު ރާއްޖޭގެ ޚާރިޖީވަޒީރު އަބްދުالله ޝާހިދަށް ފޮނުއްވާފައިވާކަމަށް ބެލެވޭ ސިޓީއެއް މިއަދު ވަނީ މީސް މީޑިއާގައި ލީކުވެފައެވެ.
މި ސިޓީއަކީ ފޮރިން މިނިސްޓަރ ޝާހިދު ޖުލައި މަހުގައި އިންޑިއާއަށް ކުރެއްވި ދަތުރުފުޅަށްފަހު، އެ ދަތުރުފުޅުގައި ދެ ބޭފުޅުންގެ މެދުގައި މަޝްވަރާކުރެވުނު ކަންކަމާ ގުޅިގެން ޝާހިދަށް ފޮނުއްވި ސިޓީއެއް ކަމަށްވެސް ޖައިޝަންކަރު ގެ އެ ސިޓީގައި ބުނެފައިވެއެވެ.
އެ ދަތުރުފުޅުގައި އުތުރުތިލަފަޅު އެއްބަސްވުމަށް ގެނެވުނު ބަދަލުތަކާ ގުޅިގެން ޝާހިދު ކުރެއްވި ބައެއް ސުވާލުތަކަށް މި ސިޓީގައި ވަނީ ޖަވާބުދެއްވައިފައެވެ.
މި ސިޓީގައި ބަޔާންކޮށްފައިވާ ގޮތުން ހަނިމާދޫއާއި ގަމުން އިންޑިއާއަށް ދޫކުރާ 15 ހެކްޓަރަށްވުރެ ބޮޑުނޫން ބިމަކީ އިންޑިއާގެ ފުރިހަމަ ބާރު ހިނގާ، އިންޑިއާގެ ސިޔާދަތީ ސަރަހައްދެކެވެ.
Advertisement
This content is created and paid for by advertisers and does not involve Voice Journalists
