ރިޔާސީ އިންތިހާބުގެ ދެވަނަބުރުގައި ގުޅޭނެ ޕާޓީއެއް ކަނޑައެޅުމުގެ ކުރިން ހުރިހާ ޕާޓީތައެކުވެސް މަޝްވަރާތައް ކުރިއަށް ގެންދާނެ ކަމުގައި ދަ ޑިމޮކްރެޓްސްގެ ފަރާތުން ރިޔާސީ އިންތިހާބުގައި ވާދަކުރެއްވި ކެންޑިޑޭޓު އިލިޔާސް ލަބީބު ވިދާޅުވެއްޖެއެވެ
މިހާރު ކުރިއަށް ދާ އެ ޕާޓީގެ ނޫސްވެރިންގެ ބައްދަލުވުމުގައި ނޫވެސްވެރިއަކު ކުރެއްވި ސުވާލަކަށް ޖަވާބު ދެއްވަމުން އިލިޔާސް ވިދާޅުވީ، ރިޔާސީ އިންތިހާބުގެ ދެވަނަބުރުގައި ހުރިހާ ޕާޓީތަކާވެސް މަޝްވަރާ ކުރާނެ ކަމަށާއި އެހެންނަމަވެސް ޕާޓީތަކާއި މަޝްވަރާ ކުރުމުގެ ކުރިން ޕާޓީގެ އެތެރޭގައި މަޝްވަރާތައް ކުރިއަށް ގެންގޮސް ޕާޓީތަކާއެކު ކުރާ މަޝްވަރާތަކަށް ޑިމޮކްރެޓްސްގެ ފަރާތުން ހުށަހަޅާނެ ކަންކަން ކަނޑައަޅާނެ ކަމަށެވެ.
އަޅުގަނޑުމެން ބަޔަކާއި ވާހަކަ ދައްކާއިރު އަޅުގަނޑުމެން އިސްކަން ދޭނީ އަޅުގަނޑުމެން ދިވެހިރާއްޖެއަށް އެންމެ ރަނގަޅު ކަންކަމާ، އަދި އަޅުގަނޑުގެ ޕާޓީގެ ވިސްނުމާ ފަލްސަފާއަށް އެލައިން ކުރެވޭ ކަންތައްތަކަށް
އިލިޔާސް ލަބީބު
މީގެ އިތުރުން އިލިޔާސް ވިދާޅުވީ މިހާރަކަށް އެއްވެސް ޕާޓީއަކާއެކު މަޝްވަރާތައް ކުރިއަށް ގެންގޮއްސައެއް ނުވާނެ ކަމަށާއި މަޝްވަރާއަށް ދިއުމުގެ ކުރިން ޕާޓީގެ އެތެރޭގައި ނިންމުންތަކެއް ނިބްމާނެކަމަށެވެ.
ރިޔާސީ އިންތިހާބުގެ ފުރަތަމަ ބުރުގެ ވޯޓްލުން ނިމި ވަގުތީ ނަތީޖާ މިހާރު އިއުލާނުކޮށްފައިވާއިރު އިންތިހާބުގައި ތިންވަނަ ކެންޑިޑޭޓެއްގެ ގޮތުގައި 7 އިންސައްތަ ވޯޓާއެކު އޮތީ ޑިމޮކްރެޓްސްގެ ރިޔާސީ ކެންޑިޑޭޓް އިލިޔާސް ލަބީބެވެ.
Advertisement
This content is created and paid for by advertisers and does not involve Voice Journalists
