އިދިކޮޅު ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުހައްމަދު މުއިއްޒުގެ ވެރިކަމެއްގައި ހދ ވައިކަރަދޫގައި ސްކޭޓް ޕާކެއް ތަރައްގީކޮށްދެއްވާނެ ކަމުގައި އެމަނިކުފާނު ވިދާޅުވެއްޖެއެވެ.
މިއަދު ހދ ވައިކަރަދޫއަށް ވަޑައިގެން އެ ރަށުގައި ބޭއްވި ރިޔާސީ އިންތިހާބުގެ ދެވަނަބުރުގެ ކެމްޕެއިން ޖަލްސާގައި ވާހަކަ ދައްކަވަމުން ޑރ މުއިއްޒު ވިދާޅުވީ، ޕީޕީއެމް ޕީއެންސީގެ ސަރުކާރެއްގައި ހިންގާ ތަރައްގީގެ މަޝްރޫއުތައް ހިންގުމުގައި އެރަށެއްގެ ރައްޔިތުންގެ ސިޔާސީ ވިސްނުމަކަށް ނުބަލާނެކަމަށެވެ.
މި ރަށުގައި ޕީޕީއެމްއަށް މާގިނަ މެމްބަރުން ނެތަސް އެއީ އަޅުގަނޑުމެންނަށް މާ ބޮޑު ކަންބޮޑުވުމެއް ނޫން
ޑރ މުހައްމަދު މުއިއްޒު
މީގެ އިތުރުން މުއިއްޒު ވިދާޅުވީ ވައިކަރަދޫގެ ރައްޔިތުންނަށް ބޭނުންވާ ސިއްހީ ނިޒާމާއި، ސްކޫލުގެ ކަންކަމާއި މަގު ހެދުމާއި ކުޅިވަރުކުޅޭނެ ވަސީލަތްތައް ގާއިމްކޮށްދިނުން ކަމަށްވިއަސް ހުރިހާ ކަމެއްވެސް އެއްވެސް ތަފާތުކުރުމެއްނެތި އެރަށަަށްވެސް ކޮށްދެއްވާނެ ކަމުގައި ޑރ މުއިއްޒު ވަނީ ވިދާޅުވެފައެވެ.
މީގެ އިތުރުން މުއިއްޒުގެ ސަރުކާރެއްގައި ވައިކަރަދޫ ރައްޔިތުންނަށަ ފެނިގެންދާނީ ރައްޔިތުންނަށް ބޭނުންވާ ކަންކަން ހާސިލްކޮށްދިނުމަށް މަސައްކަތް ކުރެވިގެންދާ މަންޒަރުކަމުގައި ޑރ މުއިއްޒު ވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
