ރިޔާސީ އިންތިޚާބުގެ ކުރިން ނިޒާމީ ވޯޓެއް ނަގަންޖެހޭނެ ކަމަށާއި އެނޫންގޮތެއް އެމްޑީޕީއާއެކު މަޝް ވަރާކޮށްގެން ނިންމެން ނޯންނާނެކަމަށް ޑިމޮކްރެޓިކް ޕާޓީގެ ކައުންސިލް މެންބަރުން ވިދާޅުވެއްޖެއެވެ.

މިހާރު ކުރިއަށްދާ ޑިމޮކްރެޓުންގެ ކައުންސިލް ބައްދަލުވުމުގައި ވާހަކަ ފުޅުދައްކަވަމުންދާ ހުރިހާ ބޭފުޅުންގެވެސް ވާހަކަފުޅަކަށްވަނީ ރައީސް އިބްރާހީމް މުހައްމަދު ސާލިހް ހުށަހަޅުއްވާފައިވާ ތާރީޚް ގަބޫލުފުޅު ނުކުރެއްވުމަށެވެ.

ގަލޮޅު އުތުރުދާއިރާގެ މެމްބަރ އީވާ ވިދާޅުވީ 28 އޮކްޓޫބަރގެ ކުރިން ނިޒާމީ ވޯޓް ނަގަންޖެހޭނެ ކަމަށެވެ. އިބްރާހިމް މުހައްމަދު ސާލިހަށް މިހާރު އިތުބާރު ނުކުރެވޭކަމަށާއި ޑިމޮކްރެޓުންގެ ޝަރުތުތައް ގަބޫލު ނުކުރެވޭނަމަ ޑިމޮކްރެޓުން މިއިންތިޚާބުގައި ވަކިކޮޅެއް ޚިޔާރުކުރަން ކޮންމެހެން ނުޖެހޭކަމަށެވެ.

Advertisement

ކައުންސިލްގެ ހުރިހާ މެންބަރުންގެ ވާހަކަފުޅުގައިވެސް ރައީސް ސާލިހަށް ވަރަށް ބޮޑަށް ފާޑު ވިދާޅުވިއެވެ. ބައެއް މެންބަރުން ވިދާޅުވީ ރައީސް ސާލިހަށް މިއިންތިޚާބުގައި އެމެންބަރުން ވޯޓްދެއްވާނެ އެއްވެސް ގޮތެއް ނެތް ކަމަށެވެ. އެބޭފުޅުންގެ ވޯޓް ދާނީ އިދިކޮޅު ކެންޑިޑޭޓް ޑޮކްޓަރ މުއިއްޒަށް ކަމަށްވެސް ވިދާޅުވިއެވެ.

ބައެއް ބޭފުޅުން ވިދާޅުވީ ޖަލުގައި ހުންނެވި ޕީޕީއެމްގެ ރައީސް ޔާމީނު މިނިވަން ކުރުމަށް ޑިމޮކްރެޓުން މަސައްކަތް ކުރަންޖެހޭ ކަމަށެވެ.

އިތުރު ތަފްސީލު އަންނަނީ