ރިޔާސީ އިންތިޚާބުގައި ވޯޓުލުމުގައި ފަރުވާތެރި ނުވެވިއްޖެނަމަ ޤައުމުގެ މިނިވަންކަން ގެއްލިގެން ހިނގައިދާނެ ކަމަށް ޕީޕީއެމް ޕީއެންސީގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒު ވިދާޅުވެއްޖެއެވެ.

ޑރ  މުޢިއްޒު މިހެން ވިދާޅުވީ ކެމްޕޭނަށް ނ.އަތޮޅުގެ ރަށްރަށަށް ކުރައްވަމުން ގެންދަވާ ދަތުރުފުޅުގައި  ނ. ލަންދޫއަށް ވަޑައިގެން އެރަށު ރައްޔިތުންނާއި ބައްދަލުކުރައްވައި ދެއްކެވި ވާހަކަފުޅުގައެވެ.

ޑރ މުޢިއްޒު ވިދާޅުވީ މިހާރު މިކަމަކީ ރަށްރަށުގައި ކުރަން ހުރި ތަރައްޤީގެ މަސައްކަތްތަކާއި ގުޅުން ހުރި ކަމެއް ނޫން ކަމަށާއި، އިޤްތިޞާދު ރަނގަޅުކުރަމުން ޤައުމަށް ތަރައްޤީ ގެނައުމަކީ މާތް اللهގެ އިރާދަފުޅާއި އެކު މާބޮޑު ކަމެއް ނޫން ކަމަށެވެ.

Advertisement

އެއައްވުރެ ބޮޑު ކަމަކީ ޤައުމުގެ އަމިއްލަވަންތަކަން ޤައުމުގެ މިނިވަންކަން ގެއްލުމާއި ހިސާބަށް ކަންކަން ގޮއްސައި އޮތުން ކަމަށެވެ. އަދި ކޮންމެ ރަށެއްގެ ރައްޔިތުންވެސް 30 ވަނަ ދުވަހު ވޯޓަށް ވަޑައިގަންނަވާއިރު ވިސްނަވަންވީ ރަށުގެ ތަރައްޤީ އަށް ކުރަން ހުރި ކަންކަން ކުރުމަކީ މާއުނދަގޫ ކަމެއް ނޫންކަމަށާއި އެކަމަކު ފަރުވާތެރި ނުވެއްޖެއްޔާ މިނިވަންކަން ގެއްލިގެން ހިނގަދާނެ ކަމެވެ.

އަދި މިނިވަންކަން ގެއްލިޖެނަމަ އަނބުރާ އެކަން ހޯދުމަކީ އެހާ ފަސޭހަ ކަމެއް ނޫން ކަމަށް ޑރ މުޢިއްޒު ވިދާޅުވިއެވެ.

މުޢިއްޒު ވިދާޅުވީ ވެރިކަން ދެއްވައިފިނަމަ ރާއްޖޭގެ މިނިވަން ކަން ދަމަހައްޓާނެ ކަމުގެ 100 ޕަސެންޓް ޔަޤީން ކަން ދެއްވާ ކަމަށެވެ.