އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހުގެ ވެރިކަން ނިންމުމަކީ ޤައުމީވާޖިބަކަށްވާ ސަބަބުތައް ޕީއެންސީގެ ނާއިބު ރައީސް އަދި މާވަށު ދާއިރާގެ މެންބަރު މުހައްމަދު ސަޢީދު ހާމަކުރައްވައިފިއެވެ. 

އިންޑިއާ އިން 30 ބިލިއަން ރުފިޔާގެ ލޯނެއް ހޯދަން ސަރުކާރުން އެދިފައިވާ ކަމަށް ބުނެ އޮންލައިން ނޫހަކުން ލިޔެފައިވާ ޚަބަރެއް ހިއްސާކުރައްވަމުން ސަޢީދު ވަނީ މިވެރިކަން ބަދަލު ކުރުން ގައުމީ ވާޖިބަކަށްވާ ގިނަ ސަބަބުތަކެއް ކިޔައިދެއްވާފައެވެ.

އެގޮތުން ވިދާޅުވީ، 2020 ވަނަ އަހަރުން ފެށިގެން ޚަރަދަށް ޒިންމާވުމުގެ ޤާނޫނު ތަޅުއަޅުވާފައިވާ ކަމަށާ، އެއަށްފަހު ރައްޔިތުންނަށް ގަސްތުގައި އޮޅުވާލަމުން އަންނަ ކަމަށެވެ. 

Advertisement

އަދި އެއްޤައުމަކުން (އިންޑިޔާއިން) 52 ބިލިއަން ރުފިޔާގެ ދަރަނި އެންމެ ހަތަރު އަހަރު ތެރޭގައި ނަގާފައިވާ ކަމަށާ އިންޑިއާ އިން ނަގާފައިވާ ދަރަނީގެ ވާހަދެއްކުމުން ސްޓޭޓް ބޭންކް އޮފް އިންޑިއާ، އެސްބީއައި އަށް ޓީ ބިލް ވިއްކާ ކަމަށް ސައީދު ވިދާޅުވި އެވެ. 

މީގެ އިތުރުން ސަރުކާރު އެސްބީއައި އާއިއެކު ހިންގާމުއާމަލާތްތަކުގެ އެއްވެސް މައުލޫމާތެއް، ދައުލަތުގެ މާލީ އިދާރާ، އެމްއެމްއޭ ގެ ޤަވަނަރ އަށްވެސް ނުލިބޭކަމަށް މަޖިލީހުގައި ވިދާޅުވެފައިވާ ކަމަށް ސަޢީދު ވިދާޅުވިއެެވެ. 

އެހެން ނަމަވެސް ރާއްޖޭގެ މާލީ ހާލަތު ނުރައްކާވެފައިވާއިރު އެފަދަ ހުރިހާ ކަމެއް އެމްއެމްއޭއަށް އެނގެންޖެހޭ ކަމަށް އޭނާ ވިދާޅުވި އެވެ.