އިންޑިއާ ސިފައިން ރާއްޖޭގައި ތިބިކަމަށް ބުނެ އިދިކޮޅުން ދައްކަމުންދަނީ ޚިޔާލީ ވާހަކަތަކެއް ކަމަށް ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުالله ވިދާޅުވެއްޖެ އެވެ.
އިމްރާނު މިފަދައިން ވިދާޅުވެފައި ވަނީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހުގެ ރިޔާސީ ކެމްޕޭނު ޖަލްސާއެއްގައި ވާހަކަދައްކަވަމުން ނެވެ.
ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު އެ ޖަލްސާގައި ވާހަކަދައްކަވަމުން ވަނީ އުތުރުތިލަފަޅުން މާލެ ސަރަހައްދުގައި ދިރިއުޅޭ ރައްޔިތުންނަށް ގޯތި ދޭނެކަމަށް ވައުދުވެވަޑައިގެންފަ އެވެ.
އެކަމަށް އިޝާރާތްކުރައްވާ އިމްރާނު ވިދާޅުވީ ރައީސްގެ އެ ވައުދަށް ވިސްނުލުން ވެސް އުތުރުތިލަފަޅުގައި އިންޑިއާ ސިފައިން ތިބިކަމަށް ބުނެ ސަރުކާރުން ދައްކަމުންދަނީ ދޮގު ވާހަކަތަކެއްކަން ހާމަވާ ކަމަށެވެ.
އިންޑިއާ ސިފައިން ރާއްޖޭގެ އެކި ކަންކޮޅުތަކުގައ ތިބިކަމަށް ބުނެ އިދިކޮޅުން ދައްކަމުންދަނީ ޚިޔާލީ ވާހަކައެއް ކަމަށާއި، އެކަން ރައްޔިތުން ގަބޫލުނުކުރުމަށް އިމްރާނު ވަނީ ވިދާޅުވެފަ އެވެ.
އިމްރާނު ވިދާޅުވީ މި ރިޔާސީ އިންތިޚާބުގެ ދެވަނަ ބުރު ރައީސް ޞާލިހަށް ކާމިޔާބުކޮށްދިނުމަކީ މުހިންމު ކަމެއް ކަމަށެވެ.
އަދި އެމަނިކުފާނަށް ދެވަނަ ދައުރު ދީގެން ނޫނީ ދިވެހީން އުންމީދުކުރާ އަމާންދިވެހިރާއްޖެ ނުހޯދޭނެ ކަމަށާއި، މި ކަމަކީ ރައްޔިތުން ވަރަށް ފުންކޮށް ވިސްނަން ޖެހޭކަމެއް ކަމަށް އިމްރާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
