Advertisement
ލަސްތަކެއް ނުވެ އޭވިއޭޝަން ދާއިރާގެ މުވައްޒަފުންގެ މުސާރަ ބޮޑުވާނެ: ރައީސް ޞާލިހު
އޭވިއޭޝަން ދާއިރާގެ މުސާރަ ރިވިއުކުރަން މަސައްކަތް ފަށާފައިވާ ކަމަށާ ލަސްތަކެއް ނުވެ އެ ދާއިރާގެ މުވައްޒަފުންގެ މުސާރަ ބޮޑު ވާނެ ކަމަށް ރައީސުލްޖުމްހޫރިއްޔާ އަދި ގުޅިފައިވާ ޕާޓީތަކުގެ ރިޔާސީ ކެނޑިޑޭޓް އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ސޯސަން ޖަގަހައިގައި ރޭ ބޭއްވި ކެންޕެއިން ޖަލްސާގައި ވާހަކަދައްކަވަމުން ރައީސް ޞާލިހް ވިދާޅުވީ އޭވިއޭޝަން ދާއިރާގައި މަސައްކަތް ކުރާ މީހުންނަކީ ވަރަށް މުހިންމު ދައުރެއް އަދާކުރާ ބައެއް ކަމަށެވެ.
އެގޮތުން ޕައިލެޓުންނާއި އިންޖިނިއަރުންނާ އަދި ކްރޫއިންނާއި އެތަކެއް މަސައްކަތް ކުރާ ބައިވަރު މުވައްޒަފުންނެއް އެ ދާއިރާގައި އުޅޭ ކަމަށާ، އެ މުވައްޒަފުންގެ މުސާރަ ރިވިއު ކުރުމުގެ މަސައްކަތް ފަށްޓަވާފައިވާ ކަމަށް ރައީސް ޞާލިހު ވިދާޅުވިއެވެ.
Advertisement
އަދި ލަސްތަކެއް ނުވެ އޭވިއޭޝަން ދާއިރާގައި މަސައްކަތްކުރާ ޕައިލެޓުންނާއި އިންޖިނިއަރުންނާއި، އެއަރ ކްރޫއިން އަދި އެ ދާއިރާގެ އެހެނިހެން މަސައްކަތްތެރިންގެ މުސާރައަށް ކުރިއެރުން ގެނެވޭނެ ކަމަށް ވެސް ރައީސް ވަނީ ވިދާޅުވެފައެވެ.
ޕައިލެޓުންނާއި އިންޖިނިއަރުންނާ އަދި ކްރޫއިންނާއި މިހެގޮސް އޭވިއޭޝަން ދާއިރާގައި މަސައްކަތް ކުރާއެތައް ބައިވަރު މުވައްޒަފުންނެއް އެބަ އުޅޭ. މިހާރު އޅުގަނޑުމެން ވާނި އޭވިއޭޝަން ދާއިރާގެ މުސާރަ ރިވިއު ކުރުމުގެ މަސައްކަތްތަކެއް ފަށާފައި. ލަސްތަކެއް ނުވެ އިރާދަކުރެއްވިއްޔާ އޭވިއޭޝަން ދާއިރާގައި މަސައްކަތް ކުރާ ޕައިލެޓުންނާއި އިންޖީނިއަރުންނާއި އެއާ ކްރޫއިންނާ މިހެން ގޮސް މި ދާއިރާގައި މަސައްކަތްކުރާ ހުރިހާ ބޭފުޅުންނަށް މުސާރައިގެ ކުރިއެރުމެއް ލަސްތަކެއް ނުވެ ލިބިދާނެ ކަމުގެ ޔަގީންކަން އަޅުގަނޑު އަރުވަން"
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
ރޭގެ ޖަލްސާގައި ރައީސް ވަނީ، މާލެ ސަރަހައްދުން އިތުރު ގޯއްޗާއި ފްލެޓަށް އެދުމުގެ ފުރުސަތު ވެސް ހުޅުވާލަން ނިންމާފައިވާކަން އިއުލާން ކުރައްވާފައެވެ. އެއާއެކު ޕްލޭނިންގ މިނިސްޓްރީން ވަނީ އެ ފުރުސަތު މިއަދުން ފެށިގެން ހުޅުވާލެވިފައިވާ ކަމަށް ވިދާޅުވެފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
Advertisement
