"ޤައުމީ ކާޑު" ކުޅެނީ ރައްޔިތުންނަށް އޮޅުވާލަން ކަމަށާއި އެކަމަށް ރައްޔިތުން ސަމާލުވުމަށް ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު ވިދާޅުވެއްޖެއެވެ.

ޢަލީ ޒާހިރު މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.

ޢަލީ ޒާހިރު ވިދާޅުވީ އެބޭފުޅުންގެ ހަށިކޮޅުގައި ލޭ ހިނގާހާ ހިނދަކު މި ޤައުމުގެ ފަސްގަނޑުން ވިޔަސް ކަންޑުން ވިޔަސް އެންމެ އިންޗިއެއްވެސް ދޫކޮށް ނުލައްވާނެ ކަމަށެވެ.

ޤައުމަށް ޤައްދާރުވިބަޔަކު ވެރިކަމުގެ ދަހިވެތި ކަމުގައި ފެތުރި ޔޯލަ ވާހަކަ ތަކަކަށް ރައްޔިތުން ނުހެއްލެވުން އެދޭ ކަމަށެވެ. ސަރުކާރުން ރައްޔިތުނަށް ފައިދާހުރި ސިޔާސަތުތައް ތަންފީޒު ކުރަމުން ދާތީ ކުރާނެ ކަމެއް ނެތިގެން "ޤައުމީ ކާޑު ކުޅެ ރައްޔިތުނަށް އޮޅުވާލަން މަސައްކަތް ކުރަމުން ދާ ކަމަށާއި މިކަމަށް ރައްޔިތުން ސަމާލުވުމަށް އެދޭ ކަމަށް ޢަލީ ޒާހިރު ވިދާޅުވެފައި ވެއެވެ.

ޢަލީ ޒާހިރު މިހެން ވިދާޅުވެފައި މިވަނީ އިންޑިއަން މިލިޓަރީ ރާއްޖޭގައި ތިބުމާއި ރާއްޖޭގެ ބިން އެހެން ޤައުމެއްގެ ބަޔަކަށް ދެނީކަމަށް ބުނެ އިދިކޮޅު ފަރާތްތަކުންނާއި އެހެނިހެން ފަރާތްތަކުން ސަރުކާރާއި ދެކޮޅަށް ވާހަކަ ދައްކަމުން ދާ ވާހަކަ ތަކުގެ އަޑު ގަދަވެފައިވާ  ވަގުތެއްގައެވެ.