ކ.ތުލުސްދޫގައި ކުރިއަށް ގެންދިޔަ ޕީޕީއެމް/ޕީއެންސީގެ ޖަލްސާއަކަށް ހުރަސްއަޅައިފިއެވެ.
ޕީޕީއެމް/ޕީއެންސީގެ ކޯލިޝަން ގެ ރިޔާސީ ކެންޑިޑޭޓް ޑރ މުޙައްމަދު މުޢިއްޒުގެ ރަނިންގމޭޓް ހުސެއިން މުޙައްމަދު ލަތީފް އެރަށަށް އިއްޔެ ވަޑައިގެން އެރަށުގައި ކުރިއަށް ގެންދެވި ޖަލްސާ ކުރިއަށް ގެންދިޔަ ނުދިނުމަށް ހުރަސްއަޅައިފައިވެއެވެ.
އެގޮތުން ޕީޕީއެމްގެ ޖަލްސާ ކުރިއަށް ގެންދިޔަ ޖަގަހަ އާއި ޖެހިގެން ހުރި އެމްޑީޕީ ޖަގަހައިގައި ބާރަށް ލަވަ ޖެހުމުގެ ސަބަބުން ޖަލްސާގައި ވާހަކަ ދެއްކެވުމަށް ދަތިވެ ހުސެއިން ވަނީ އެކަން ފާހަގަ ކުރައްވައިފައެވެ.
އެގޮތުން ޖަލްސާ ކުރިއަށްދާ ވަގުތު ޖެހިގެން ހުރި ޖަގަހައިން ބާރަށް ލަވަޖަހަމުން ގެންދާ ކަމަށާއި ކެމްޕޭނަށް ނުކުމެ ތިބި ހުރިހާ އެންމެންނަށް ވެސް ކެމްޕޭނު ކުރުމުގެ ފުރުސުތު ހުޅުވާލެވިގެން ވާކަމަށް ޤަބޫލުކުރައްވާ ކަމަށް ހުސެއިން ވިދާޅުވިއެވެ.
މީގެއިތުރުން ޚިޔާލު ފާޅުކުރުމުގެ މިނިވަންކަމަކީ ހުރިހާ އެންމެންނަށް ވެސް ލިބިދޭ ހައްޤެއް ކަމަށާއި އެހެންކަމުން ޚިޔާލުފާޅުކުރުމަށް ހުރަސްއަޅައި ޖެއްސުން ކުރުމަކީ އެއްގޮތަކަށް ވެސް ބަލައިގަންނަ ކަމެއް ނޫން ކަމަށް ހުސެއިން ވިދާޅުވިއެވެ.
Advertisement
This content is created and paid for by advertisers and does not involve Voice Journalists
