ރިޔާސީ އިންތިޚާބުގެ ދެވަނަ ބުރުގައި އިއްޔެ ދިވެހި ރައްޔިތުން ނިންމި ނިންމުމާމެދު އަދި މުޅިރާއްޖެ ހިތާމަކުރާނެ ދުވަސް ވަރަށް އަވަހަށް އަންނާނެކަމުގައި ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު، ރޮޒައިނާ އާދަމް ވިދާޅުވެެއްޖެއެވެ.

ރިޔާސީ އިންތިޚާބުގެ ދެވަނަ ބުރުގައި ރައީސުލްޖުމްހޫރިއްޔާ އިބްރާހިމް ޞާލިޙުއާއި ވާދަކުރައްވައި ޕީޕީއެމް/ޕީއެންސީގެ ރިޔާސީ ކެންޑިޑޭޓު ޑރ. މުޙައްމަދު މުޢިއްޒު ކުރި ހޯއްދެވުމާއި ގުޅިގެން ކުރެއްވި ޓުވީޓެއްގައި ރޮޒެއިނާ ވިދާޅުވީ، ރައީސް ޞާލިޙު ވަރުގެ އޯގާތެރި ހިތްހެޔޮ ވެރިއެއް މި ޤައުމު ނުދެކޭކަމަށް ރާއްޖޭގެ އެންމެހާ ރައްޔިތުން އެއް އަޑަކަށް ގޮވާނެ ދުވަސް މާ ލަހެއްނުވެ އަޑުއިވޭނެކަމަށެވެ.

https://twitter.com/Roxeyna/status/1708175581433717110?t=xfRvVlX6mms-e-rueP-jOQ&s=19

އެހެންކަމުން މިއަދު ރައްޔިތުން ނުކުމެ އެ ނިންމި ނިންމުމާއިމެދު ހުރިހާ ރައްޔިތުން ހިތާމަކުރާނެކަމަށާއި ރައީސް ޞާލިޙު ފަދައިން ހުރިހާ ރައްޔިތުންނަށް އަޅާލާ، ރައްޔިތުންގެ އަޑުއައްސަވާ އަދި ރައްޔިތުންނަށްޓަކައި ވެރިކަށް ކޮށްދެއްވި އިތުރު ބޭފުޅަކު ނެތްކަން ރައްޔިތުންނަށް އިޙްސާސްވާނެކަމަށްވެސް ރޮޒައިނާ ވިދާޅުވިއެވެ.

އިއްޔެ ކުރިއަށް ދިޔަ ރިޔާސީ އިންތިހާބުގެ ދެވަނަ ބުރުގެ ވަގުތީ ނަތީޖާ ދައްކާގޮތުން ޑރ. މުޙައްމަދު މުޢިއްޒަށް ލިބިވަޑައިގަތީ 126,265 ވޯޓެވެ. އަދި އެމްޑީޕީގެ ކެންޑިޑޭޓް, ރައީސް އިބްރާހީމް މުޙައްމަދު ޞާލިޙަށް ލިބިވަޑައިގަތީ 105,158 ވޯޓެވެ.ރިޔާސީ އިންތިޚާބުގެ ފުރަތަމަ ބުރުގައިވެސް އެންމެ ގިނަ ވޯޓު ހޯއްދެވީ މުއިއްޒެވެ. އެމަނިކުފާނަށް ފުރަތަމަ ބުރުގައި 110،000 އަށްވުރެ ގިނަ ވޯޓު ލިބިވަޑައިގަތެވެ.

ޑރ މުއިއްޒު ރިޔާސީ އިންތިހާބު ކާމިޔާބު ކުރެއްވުމާއި ގުޅިގެން ގިނަ ފަރާތްތަކުން އަންނަނީ އިންތިޚާބީ އައު ރައީސަށް ތަހުނިޔާ ފޮނުވަމުންނެވެ.