މާލެ ސިޓީގެ މޭޔަރު ކަމަށް ވާދަކުރެއްވުމަށް ޔޫތު މިނިސްޓަރު އަހުމަދު މަހްލޫފް ނިންމަވައިފިއެވެ.

އަންނަ ނޮވެންބަރު މަހުގެ 17 ވަނަ ދުވަހު، މާލޭގެ މޭޔަރަކަށް މިހާރު ހުންނެވި އިންތިހާބީ ރައީސް ޑރ. މުހައްމަދު މުއިއްޒު ހުވާ ކުރެއްވުމާއެކު މޭޔަރު ކަމުގެ މަގާމު ހުސްވާނެއެވެ. އެއާއެކު، މޭޔަރު ކަމުގެ ގޮނޑި އަށް ބޭފުޅަކު ކަނޑައެޅުމަށް އިލެކްޝަންސް ކޮމިޝަން (އީސީ) އިން ބައި އިލެކްޝަނެއް ބާއްވަން ޖެހެއެވެ.

އެކަމާއި ގުޅިގެން ގުޅިގެން މަހުލޫފް މިއަދު ކުރެއްވި ޓްވީޓެއްގައި ވިދާޅުވީ، މާލޭ މޭޔަރުގެ މަގާމުގެ ބައި-އިލެކްޝަންގައި ވާދަކުރުމަށް އޭނާ ނިންމާފައިވާ ކަަމަށެވެ. އަދި އޭނާ ވަނީ އެކަމުގައި މާލޭގެ އެންމެހާ ރައްޔިތުން ތާއީދު ކޮށްދެއްވުމަށް އެދިލައްވާފައެވެ. 

Advertisement

ރިޔާސީ އިންތިހާބުގެ ކެމްޕެއިން ޑރ. މުއިއްޒު ފެއްޓެވުމާއެކުގައި މާލޭގެ މެޔަރު ކަމުގެ މަސްއޫލިއްޔަތު އެމަނިކުފާނު ވަނީ ޑެޕިއުޓީ މެޔަރު އަހުމަދު ނަރީޝްއަށް ހަވާލުކުރައްވާފައެވެ. އެއާއެކު ވަގުތީ ގޮތުން މެޔަރުގެ ހުރިހާ ޒިންމާއެއް އަދާކުރައްވަމުން ގެންދަވަނީ ނަރީޝްއެވެ.