އަނެއްކާވެސް އަވައްޓެރި އަފްޣާނިސްޠާނަށް ބިންހެލުމެއް އަތުވެއްޖެއެވެ.

އަފްޣާނިސްޠާނަށް މިމަހުގެ 7ވަނަ އަށްވީ ދުވަހުވެސް ވަނީ ބިންހެލުމެއް އައިސްފައިވެއެވެ.

މިފަހަރު ބިންހެލުން އައިސްފައިވަނީ ހީރަތް ޕްރޮވިންސްއަށް ކަމަށާއި ބިންހެލުން އައިސްފައިވަނީ ވަރަށް ހެނދުނުގެ ވަގުތެއްގައި ކަމަށް އަލްޖަޒީރާގައި ބުނެފައިވެއެވެ.

Advertisement

ކާރިސާއާއި ގުޅޭ މާބޮޑު ތަފްސީލް ތަކެއް އަދި ލިބިފައި ނުވިޔަސް ހީރަތްގެ ގަވަރުނަރު ވިދާޅުވެފައިވަނީ ބިންހެލުން އައި ސަރަހައްދަށް ބޮޑެތި ގެއްލުން ތަކެއް ލިބިފައިވާ ކަމަށެވެ.

އަފްޣާނިސްތާނުގެ އިންފޮމޭޝަން މިނިސްޓްރީގެ ތަރުޖަމާނު ވިދާޅުވެފައިވަނީ މިއަދުގެ ބިންހެލުމުގައި 80 މީހަކަށް އަނިޔާވެފައިވާ ކަމަށާއި، ބިންހެލުން އައި ސަރަހައްދަށް ދިއުމަށް އޮތް ހައިވޭ ބިންހެލުމުގެ ސަބަބުން ހަލާކުވެފައިވާ ކަމަށެވެ.

ހޮނިހިރު ދުވަހު އައޮ ބިންހެލުމުގެ ސަބަބުން 2445 މީހުން މަރުވެފައިވާ ކަމަށް އަފްޣާން ސަރުކާރުން ވަނީ ބުނެފައެވެ. އޭރުއްސުރެ މީހުން ސަލާމަތްކުރުމަށް މަސައްކަތް ކުރާ މީހުން ދަނީ ހުއްޓުމެއް ނެތި މަސައްކަތް ކުރަމުންނެވެ.