މާލޭގައި ހިންގަމުން ދިޔަ ދިވެހި ބޭސް ކްލިނިކެއްގައި ހަށިވިއްކި ކަމުގެ ތުހުމަތުގައި 3 ދިވެހިން ހައްޔަރުކޮށްފިއެވެ.

ފުލުހުންގެ މީޑިއާ އޮފިޝަލް ވިދާޅުވީ، މާލޭގައި ހިންގަމުން ދިޔަ ދިވެހި ބޭސް ކްލިނިކެއްގައި ހަށިވިއްކާ ކަމަށް ފުލުހުންގެ އިންޓެލިގެންސްއަށް ލިބުނު މައުލޫމާތަކާ ގުޅިގެން އެންޓި ހިއުމަން ޓްރެފިކިން ޑިޕާޓްމެންޓްއާއި ސްޕެޝަލިސްޓް އޮޕަރޭޝަން އަދި އިންޓެލިޖެންސް ގުޅިގެން ރޭ އޮޕަރޭޝަންއެއް ހިންގާފައިވާ ކަމަށެވެ.

އަދި އެ އޮޕަރޭޝަންގައި 3 ދިވެހިން ފުލުހުންގެ ބެލުމުގެ ދަށަށް ގެނެސްފައިވާ ކަމަށާ، އެގޮތުން ފުލުހުންގެ ބެލުމުގެ ދަށަށް ގެނެސްފައި ވަނީ 35 އަހަރުގެ އަންހެނަކާއި 44 އަހަރުގެ އަންހެނެއްގެ އިތުރުން 41 އަހަރުގެ ފިރިހެނެއް ކަމަށްވެސް އޮފިޝަލް ވިދާޅުވި އެވެ. 

Advertisement

މީގެ އިތުރުން މީޑިއާ އޮފިޝަލް ވިދާޅުވީ މި މައްސަލައިތުރަށް ތަހުގީގު ކުރަމުންދާ ކަމަށެވެ.