އިންތިޚާބީ ރައީސް ޑރ މުހައްމަދު މުޢިއްޒު އަލްޖަޒީރާ ނޫހަށް ދެއްވި ބަސްދީގަތުމަށް ކުރީގެ ރައީސް މައުމޫން އަބްދުލްޤައްޔޫމް ތަޢުރީފް ކުރައްވައިފި އެވެ.
އިންތިޚާބީ ރައީސްގެ ހައިސިއްޔަތުން ޑރ. މުއިއްޒު ބޭރުގެ މީޑިއާއަކަށް ދެއްވި އެންމެ ފުރަތަމަ އިންޓަވިއު އިއްޔެ އަލް ޖަޒީރާއިން ދައްކާފައިވާއިރު، އެކަމާއި ގުޅިގެން ރައީސް މައުމޫން ކުރެއްވި ޓްވީޓެއްގައި ވަނީ އެމަނިކުފާނު އެ އިންޓަވިއު ބެއްލެވި ކަމަށް ވިދާޅުވެފައެވެ. އަދި، އެއީ ވަރަށް ފުރިހަމަ އިންޓަވިއުއެއް ކަމަށާއި ކުރިއަށް އޮތް ފަސް އަހަރުގައި ދިވެހިރާއްޖޭގެ ރައީސުލްޖުމްހޫރިއްޔާގެ ހައިސިއްޔަތުން ގައުމަށް ޚިދުމަތް ކުރުމުގައި ޑރ މުޢިއްޒަށް ކާމިޔާބީއަށް އެދިލައްވާ ކަމަށްވެސް ރައީސް މައުމޫން ވިދާޅުވި އެވެ.
ރައީސް މައުމޫންގެ އެ ބަސްފުޅުތަކަށް ޑރ. މުއިއްޒު ވަނީ ޝުކުރު އަދާކުރައްވާފައެވެ.
އިންތިހާބީ ރައީސް އަލްޖަޒީރާއަށް ދެއްވި ބަސްދީގަތުމުގައި އެމަނިކުފާނު ވަނީ ރާއްޖޭގެ މިނިވަން ކަމާއި އިސްތިގުލާލަށް އޮތް ގޮންޖެހުންތަކާއި ގުޅޭގޮތުންނާއި ރާއްޖޭގައި އިންޑިއާ ސިފައިން ތިބި މައްސަލަ އަދި ކުރިއަށް އޮތް ފަސް އަހަރު ދިވެހީންގެ ހާރިޖީ ސިޔާސަތު ގެންގުޅުއްވާނެ ގޮތުގެ ތަފްސީލް ހިއްސާ ކުރައްވާފައެވެ.
އަދި ހަމަ އެހެންމެ، ރާއްޖޭގެ ޝަރުޢީ ދާއިރާ އިސްލާހު ކުރުމަށް ޖުޑީޝަލް ސަރވިސް ކޮމިޝަންގެ ސިޔާސީ ނުފޫޒުން މިނިވަން ކުރައްވާނެ ކަމަށާ، ޖޭއެސްސީ ގައި އެއްވެސް ސިޔާސީ ފަރާތެއް ނުބަހަށްޓާނެ ކަމަށް އެމަނިކުފާނު ވިދާޅުވި އެވެ.
މީގެ އިތުރުން، ރާއްޖޭގެ ދަރަނީގެ ހާލަތާއި މެދު ވެސް މުއިއްޒު ވަނީ ކަންބޮޑުވުން ފާޅު ކުރައްވާފައެވެ. އެގޮތުން، ބޭރުގެ ދަރަނި 100 ބިލިއަން ޑޮލަރުން މައްޗަށް އަރާފައިވާކަން ފާހަގަ ކުރައްވާ ދަރަނީގެ ދެބައި ކުޅަ އެއްބައި ދަރަންޏަކީ އިންޑިއާއަށް ދައްކަން ޖެހޭ ދަރަނި ކަން ފާހަގަކުރައްވާފައެވެ.
Advertisement
This content is created and paid for by advertisers and does not involve Voice Journalists
