ހޯމް މިނިސްޓަރު އަދި އަދާލަތު ޕާޓީގެ ރައީސް އިމްރާން އަބްދުالله އަށް ހުރިހާވެސް އެއްޗަކީ ފައިސާ އާއި މަގާމު ކަމަށް ޕީޕީއެމްގެ ހަރަކާތު ކޮމިޓީގެ ޗެއާ، އަދި ހޯރަފުށީ ދާއިރާގެ ކުރީގެ މެންބަރު މުހައްމަދު އިސްމާއިލް ވިދާޅުވެއްޖެއެވެ. 

ފަލަސްޠީނުގެ މައްސަލައިގައި އިމްރާންއަށް ގިނަ ފާޑުކިޔުންތަކެއް އަމާޒުވަމުން ދިޔުމާއި ގުޅިގެން، ދާދިފަހުން އޭނާ ވަނީ އެ ފާޑުކިޔުންތަކަށް، އަދި މީހަކު ދޭ އިންޒާރަށް ފަސް ނުޖެހޭނެ ކަމަށް ބުނެފައެވެ. 

އެކަމަށް ރައްދު ދެއްވައި މުހައްމަދު އިސްމާއިލް މިއަދު ކުރެއްވި ޓްވީޓެއްގައި ވިދާޅުވީ، ‏ޢިމްރާން ހޯމް މިނިސްޓަރަކަށް ވެ ހުންނަވައިގެން ހިނގަމުންމިދާ 5 އަހަރު ތެރޭ މުހައްމަދު އިސްމާއިލް 49 ފަހަރު ޖަލައްލާ އެކިވަރުގެ އަނިޔާކޮށް ފައިވާ ކަމަށެވެ. އަދި އޭގެ އިތުރުން ޓެރެރިޒަމް ކުށުގެ ތުހުމަތުކޮށް 45 ދުވަހު ކުޑަގޮޅީގައި ބާއްވައި، 15 އަހަރާ 5 އަހަރުގެ ދައްވާއެއް ކުރުމަށް ޕީޖީ ޝަމީމަށް އަންގަވާފައިވާ ކަމަށެވެ.

Advertisement

މުހައްމަދު އިސްމާއިލް ވަނީ އޭނާއާމެދު އެފަދައިން ކަން ކުރީ ކޮން ކުށެއް ކޮށްގެންތޯ ސުވާލު ކުރައްވާފަ އެވެ.

"މަގުމަތީ ހަރަކާތް ހުއްޓިންތޯ؟ އެެއްވެ އުޅުމާ ހިޔާލްފާޅުކުރުމަކީ ކޮންމެ ރައްޔިތަކަށްވެސް އޮތް ހައްގެއްކަން ނޭގެނީތޯ؟ ލަދުހަޔާތުގެ ކަންފުޅެއްވެސް ނެތީތޯ؟ ތިޔައީ ދެފުއްދެގޮތް މުނާފިގެެއް. ތިޔަމީހައައް ހުރިހާ އެއްޗަކީވެސް ފައިސާއާއި މަގާމު ނޫންތޯ؟" މުހަައްމަދު އިސްމާއީލް ވިދާޅުވި އެވެ.