ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހާއި އެމަނިކުފާނުގެ އަނބިކަނބަލުން ފަޒްނާ އަހްމަދު ރިޔާސީ ގެކޮޅު މުލިއާގެއިން ނިކުމެވަޑައިގެންފި އެވެ.

ރިޔާސީ ދައުރު ނިމެން ހަފްތާ އަކަށް ވެފައި ވަނިކޮށް ރައީސް ޞާލިހުގެ ދެކަނބަލުން މިއަދު މުލިއާގެއިން ނިކުމެވަޑައިގެންފައިވާ ކަން ވޮއިސް އަށް ވަނީ ކަށަވަރުވެފައެވެ. އަދި ރައީސްގެ ދެކަނބަލުން ދިރިއުޅުން ބަދަލުކުރެއްވީ މެޑަމް ފަޒްނާގެ އާއިލީ ބޭފުޅުން ދިރިއުޅުއްވަމުން ގެންދަވާ މ. ސަނީ އިން އަށް ކަމަަށްވެސް މައުލޫމާތު ލިބެއެވެ. 

ރައީސް ޞާލިހު ދެކަނބަލުން މުލިއާގެއަށް ދިރިއުޅުން ބަދަލުކުރެއްވީ ނޮވެމްބަރު 30, 2018 ގައެވެ.

Advertisement

ރައީސް ޞާލިހު އަށްފަހު ރައީސުލްޖުމްހޫރިއްޔާ ކަމުގެ މަގާމަށް އަންނަ ހުކުރު ދުވަހުން ފެށިގެން ޑރ. މުހައްމަދު މުއިއްޒު ވަޑައިގަންނަވާއިރު، ރައީސުލްޖުމްހޫރިއްޔާގެ މަގާމުގެ ހުވާކުރެއްވުމަށްފަހު ދިރިއުޅުއްވާނެ ތަނެއް އަދި އެމަނިކުފާނު ހާމަކުރައްވާފައެއް ނުވެ އެވެ.