"ނެއިބަރ ހުޑް ފަސްޓް" ސިޔާސަތުގައި ރާއްޖެއަކީ ޚާއްސަ މަޤާމެއް ދެވިފައިވާ ޤައުމެއްކަމުގައި އިންޑިޔާގެ ބޮޑުވަޒީރު ނަރެންދްރަ މޯދީ ވިދާޅުވެއްޖެއެވެ.
ދިވެހިރާއްޖޭގެ 55 ވަނަ ޖުމުހޫރީ ދުވަހުގެ މުނާޞަބަތުގައި އިންޑިޔާ ސަރުކާރާއި ރައްޔިތުންގެ ނަމުގައި، ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހަށާއި ދިވެހި ސަރުކާރަށާއި، ދިވެހިރައްޔިތުންނަށް ފޮނުވި ތަހުނިޔާގެ މެސެޖްގައި ބުނެފައިވަނީ، ނެއިބަރ ހުޑް ފަސްޓް" ސިޔާސަތުގައި ރާއްޖެއަކީ ޚާއްސަ މަޤާމެއް ދެވިފައިވާ ޤައުމެއްކަމުގައްޔާއި، މި ސަރަހައްދުގެ ސަލާމަތާއި ކުރިއެރުމާއި ތަސައްވުރު، (ސެކިއުރިޓީ އެންޑް ގްރޯތް ފޮރ އޯލް އިންދަ ރީޖަން) ޤާއިމްކޮށްދިނުމުގައި ދިވެހިރާއްޖެއަކީ އިސް ދައުރެއް އަދާކުރާ ޤައުމެއް ކަމުގައެވެ.
މީގެ އިތުރުން މި މެސެޖްގައި މޯދީ ވަނީ އިންޑިޔާއާއި ދިވެހިރާއްޖެއާއި ދެމެދުގައި އުފެދިފައިވާ ގާތް ގުޅުމަކީ ތާރީޚާއި، ޘަޤާފަތުގެ މައްޗަށް ބިނާވެފައިވާ ގުޅުމެއް ކަމުގައެެވެ.
ހަމަ އެޔާއެކު މޯދީގެ މި މެސެޖްގައި ވަނީ ދެ ޤައުމުގެ ރައްޔިތުންގެ އިޖްތިމާއި އަދި އިޤްތިޞާދީ ކުރިއެރުމަށްޓަކައި ދިވެހިރާއްޖެއަށް ގުޅިގެން އިންޑިއާއިން މަސައްކަތްކުރާނެކަމުގެ ޔަގީންކަން އަރުވައިފައެވެ.
މީގެ އިތުރުން މޯދީގެ މެސެޖް ނިންމާލަމުން ބުނެފައިވަނީ، ކުރިއަށް އޮތް އަހަރުތަކުގައި މަލްޓި ޑައިމެންޝަނަލް ޕާރޓްނަރޝިޕް އިތުރު ހަރުފަތަކަށް ގެންދެވޭނެކަމުގައި އުއްމީދު ކުރައްވާ ކަމުގައެވެ.
Advertisement
This content is created and paid for by advertisers and does not involve Voice Journalists
