ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު، އިންތިޚާބީ ރައީސް ޑރ މުހައްމަދު މުއިއްޒު ހުވާ ކުރައްވާ ރަސްމިއްޔާތަށް ވަޑައިގަންނަވައިފި 

ކުރީގެ ރައީސް ޑރ. މުހައްމަދު ވަހީދު ހަސަން މަނިކު، އިންތިޚާބީ ރައީސް ޑރ މުހައްމަދު މުއިއްޒު ހުވާ ކުރައްވާ ރަސްމިއްޔާތަށް ވަޑައިގަންނަވައިފި

އިންތިޚާބީ ރައީސުލްޖުމްހޫރިއްޔާ އާއި އެ މަނިކުފާނުގެ ނައިބު، މަގާމުގެ ހުވާކުރެއްވުމަށް ބާއްވާ ރަސްމިއްޔާތަށް ބަންދުކުރެވޭ ސަރަހައްދުތަކަށް މިހާރު ވަނީ ބައެއް ބަދަލުތައް ގެނެސްފި

އިންތިޚާބީ ރައީސް ޑރ މުހައްމަދު މުއިއްޒު ހުވާކުރައްވާ ރަސްމިއްޔާތަށް ކޮމަންވެލްތުގެ ސެކެޓްރީ ޖެނެރަލް ފެޓްރިޝިއާ ސްކޮޓްލޭންޑް ކޭސީ ރާއްޖެ ވަޑައިގެންފި. 

ފެޓްރިޝިއާ ސްކޮޓްލޭންޑް ކޭސީ އަށް މަރުހަބާ ދެންނެވީ ނައިފަރު ދާއިރާގެ މެންބަރު އަހުމަދު ޝިޔާމްގެ އިތުރުން ފޮރިން މިނިސްޓްރީގެ އިސް ބޭފުޅުން. 

އިންތިޚާބީ ރައީސް ޑރ މުހައްމަދު މުއިއްޒު ހުވާކުރައްވާ ރަސްމިއްޔާތަށް ޕާކިސްތާނުގެ ފެޑަރަލް މިނިސްޓަރ އޮފް އިންފޮމޭޝަން އެންޑް ބްރޯޑްކާސްޓިން އެންޑް ޕާލަމެންޓްރީ އެފެއާޒް މުރުތާޒް ރާއްޖެ ވަޑައިގެންފި. 

މުރުތާޒަށް މަރުޚަބާ ދެންނެވީ ފޮރިން މިނިސްޓްރީ އާއި އިންތިޚާބީ ރައީސްގެ އޮފީހުގެ އިސް ބޭފުޅުން. 

އިންތިޚާބީ ރައީސް ޑރ މުހައްމަދު މުއިއްޒު ހުވާކުރައްވާ ރަސްމިއްޔާތަށް ތުރުކިޔޭގެ މިނިސްޓަރ އޮފް ކަލްޗަރ އެންޑް ޓޫރިޒަމް މެހެމެޓް ނޫރީ އެރްސޯއީ ވަޑައިގެންފި.

މެހެމެޓް އަށް މަރުޚަބާ ދެންނެވީ ފޮރިން މިނިސްޓްރީ އާއި އިންތިޚާބީ ރައީސްގެ އޮފީހުގެ އިސް ބޭފުޅުން

އިންތިހާބީ ރައީސް ޑރ. މުހައްމަދު މުއިއްޒު މަގާމުގެ ހުވާ ކުރެއްވުމުގެ ރަސްމިއްޔާތު ބާއްވާ ވަގުތުގައި މާލޭގެ މަގުތަކުގައި ބޮޑެތި ވެހިކަލްތައް ދުއްވުން ޓްރާންސްޕޯޓް މިނިސްޓްރީން މަނާކޮށްފި 

ދުއްވުން މަނާ ވާނީ "ސީ2"، "ސީ0"، "ޑީ"، "އީ" އަދި "ވީ" ކެޓަގަރީގެ ވެހިކަލްތައް

އިންތިޚާބީ ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބު، މަގާމުގެ ހުވާކުރެއްވުމަށް ބާއްވާ ރަސްމިއްޔާތާ ގުޅިގެން ޕާކުކުރުން މަނާ ކުރެވޭ ސަރަހައްދާއި ބަންދުކުރެވޭ ފަޅުގެ ސަރަހައްދު.

ފުލުހުން: އިންތިހާބީ ރައީސުލްޖުމްހޫރިއްޔާ އާއި އެމަނިކުފާނުގެ ނައިބު، މަގާމުގެ ހުވާކުރެއްވުމަށް ބާއްވާ ރަސްމިއްޔާތާ ގުޅިގެން ނޮވެމްބަރު 17 ވަނަ ދުވަހުގެ 13:30 އިން ފެށިގެން ބަންދުކުރެވޭ ސަރަހައްދުތައް

އިންތިޚާބީ ރައީސް ޑރ. މުހައްމަދު މުޢިއްޒު ހުވާ ކުރެއްވުމުގެ ރަސްމިއްޔާތަށް ބަންގްލަދޭޝްގެ ފަރާތުން ވަޑައިގެންފައިވަނީ އެގައުމުގެ މިނިސްޓަރ އޮފް އިންފޮމޭޝަން ހަސަން މަހްމޫދު. 

ހަސަން މަހްމޫދަށް އެއާޕޯޓް އިން މަރުހަބާ ދެންނެވީ ކުރީގެ ޓޫރިޒަމް މިނިސްޓަރ މޫސާ ޒަމީރު

ހުވާކުރުމުގެ ރަސްމިއްޔާތަށް ދަޢުވަތު އެރުވުނު ގިނަ ގައުމުތަކުގެ ބޭފުޅުން ރާއްޖެ ވަޑައިގެންފި. 

ހުވާ ކުރެއްވުމުގެ ރަސްމިއްޔާތަށް ދައުވަތު އަރުވައިގެން 46 ގައުމަކުން ގިނަ އަދަދެއްގެ މަންދޫބުން ރާއްޖެ ވަޑައިގަންނަވާނެ.

މިހާތަނަށް ރާއްޖެ ވަޑައިގެންފައިވަނީ,

• ޗައިނާ ރައީސް ޝީ ޖިންޕިންގެ ހާއްސަ މަންދޫބު އަދި ސްޓޭޓް ކައުންސިލަރު، ޝެން ޔިޗިން

• އިންޑިއާ ސަރުކާރުގެ މަންދޫބެއްގެ ގޮތުގައި ފޮނުއްވި އެ ގައުމުގެ އާތު ސައިންސް މިނިސްޓަރު ކިރެން ރިޖީޖޫ.

• ސާކްގެ ސެކްރެޓަރީ ޖެނެރަލް ގޮލަމް ސަރްވާރު
• ޖަޕާނުގެ ބޮޑުވަޒީރުގެ ހާއްސަ މަންދޫބު އަދި ފޮރިން މިނިސްޓްރީގެ ނައިބު ކޮމުރާ މަސައިއޯ
• ދެކުނު ކޮރެއާގެ ރައީސްގެ ހާއްސަ މަންދޫބު އަދި ބުސާން ސިޓީގެ މޭޔަރު ޕާކް ހިއުޖޫން

• ސީޝެލްސްގެ ނައިބު ރައީސް އަހުމަދު އަފީފު

މި ރަސްމިއްޔާތުގައި ބޭރު ގައުމެއްގެ އެންމެ އިސްބޭފުޅެއްގެ ގޮތުގައި ބައިވެރިވެވަޑައިގަންނަވާނީ ލަންކާގެ ރައީސް ރަނިލް. ރަނިލް ރާއްޖެ ވަޑައިގެންނެވީ އިއްޔެގެ ވަގުތެއްގައި.