މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ރައީސަކަށް ކުރީގެ ރައީސް އަދި އެ ޕާޓީގެ ކުރީގެ އިސް ލީޑަރު އިބްރާހިމް މުހައްމަދު ޞާލިހު ހަމަޖައްސައިފި އެވެ.

އެމްޑީޕީން ރޭ އއ.އުކުޅަހުގައި ބޭއްވި ގައުމީ މަޖިލީހުގެ ޖަލްސާގައި މި ނިންމުން ނިންމީ ގައުމީ މަޖިލީހަށް ހުށަހެޅި ގަރާރެއް މެދުވެރިކޮށް 47 މެމްބަރުންގެ ވޯޓާއެކު ފާސްކޮށްގެންނެވެ.

ސޯލިހު އެމްޑީޕީގެ ވަގުތީ ރައީސްއަކަށް ހަމަޖައްސަން ގައުމީ މަޖިލީހަށް ގަރާރު ހުށަހެޅުއްވީ ތިމަރަފުށީ ދާއިރާގެ އެމްޑީޕީ ރައީސް އަންވަރު އިބްރާހިމެވެ. އޭނާގެ ހުށަހެޅުމަށް ތާއިދު ކުރެއްވީ އެމްޑީޕީ ޗެއާޕާސަންގެ ނައިބު އިބްރާހިމް ވަހީދުއެވެ.

Advertisement

މި ނިންމުމުގެ އިތުރުން, އަންވަރުގެ އެ ގަރާރުގައި އޭނާ ވަނީ ނިމިދިޔަ އެމްޑީޕީ ސަރުކާރުގައި ވަޒީރުންގެ މަޖިލީހުގައި ތިއްބެވި އެޕާޓީގެ މެމްބަރުން ގައުމީ މަޖިލީހުގެ ދައުރު ހަމަވަންދެން  ގައުމީ މަޖިލީހުގެ މެންބަރުންކަމުގައި ކަނޑައެޅުމަށް ހުށަހަޅުއްވާފައެވެ.  

އއ. އުކުޅަހުގައި ބޭއްވި އެމްޑީޕީގެ ގައުމީ މަޖިލީހުގެ ބައްދަލުވުމުގެ ތެރެއިން-- ފޮޓޯ/ އެމްޑީޕީ

އެމްޑީޕީން ޕާޓީގެ އައު ރައީސެއް ކަނޑައަޅާފައި މިވަނީ، އެޕާޓީގެ ކުރީގެ ރައީސް، އަދި ކުރީގެ މަޖިލީހުގެ ރައީސް މުހައްމަދު ނަޝީދު ޕާޓީން އިސްތިއުފާ ދެއްވުމާއިއެކު، އެ މަގާމް ހުސްވެފައި އޮންނަތާ ފަސް މަސް ވެފައިވަނިކޮށެވެ. 

ރައީސް ޞާލިހު، އެމްޑީޕީގެ ރައީސްގެ މަގާމަށް އައްޔަންކޮށްފައިވާ އިރު، އެމަނިކުފާނު މިވަގުތު ހުންނެވީ ރާއްޖެއިން ބޭރުގައެވެ.