ދިވެހި ބަހުން އެންމެ މޮޅަށް ސިޓީ ލިޔާ މީހާ ހޮވުމަށްޓަކައި، ޕްރޮސެކިއުޓާ ޖެނެރަލް (ޕީޖީ) އޮފީހުން ބާއްވާ ސިޓީ ލިޔުމުގެ މުބާރާތުގައި 180 މީހުން ބައިވެރިވެފައިވާކަމަށް އެ އޮފީހުން ބުނެފިއެވެ. 

ޕީޖީގެ ރެކްރިއޭޝަން ކްލަބް، ކްލަބް220 އިން އިންތިޒާމުކޮށްގެން، ޕްރޮސިކިއުޓަރ ޖެނެރަލްގެ ވާދައިގެ ތައްޓަށް ބާއްވާ ސިޓީ ލިޔުމުގެ މުބާރާތުގައި ބައިވެރިވުމަށްޓަކައި ރަޖިސްޓަރީ ވުމަށް ހުޅުވާލި މުއްދަތު ހަމަވި އިރު، މު މުބާރާތުގައި 180 އަށްވުރެ ގިނަ މީހުން ވަނީ ބައިވެރިވެފައެވެ.

އެގޮތުން މި މުބާރާތުގައި ގިނަ އަދަދެއްގެ ސްކޫލްތަކާއި ކުންފުނިތައް ތަމްސީލުކުރާ މީހުން ބައިވެރިވުމަށް ވަނީ ރަޖިސްޓްރީ ކޮށްފައެވެ.

މުބާރާތުގައި ބައިވެރިވި މީހުންނަށް، އެމީހަކު ލިޔަންޖެހޭ ސިޓީގެ ނޯޓެއް، އޮންލައިން ޕޯޓަލްގެ ތެރެއިން ފެނިގެންދާނެއެވެ. އަދި ސިޓީ ނޯޓެއް މުބާރާތުގައި ބައިވެރިވާ ކޮންމެ މީހަކަށް ޕޯޓަލް މެދުވެރިކޮށް ފޮނުވިގެން ދާނެއެވެ. 

މި މުބާރާތުގައި ލިޔާ ސިޓީ އަތުން ލިޔަން ޖެހޭއިރު، އަތުން ލިޔުމަށްފަހު، ފޮޓޯއެއް ނަގައި، ވެބްސައިޓަށް އަޕްލޯޑު ކުރުމުން މުބާރާތުގައި ބައިވެރިވެވުނީއެވެ.

ސިޓީ ފޮނުވުމުގެ މުއްދަތު ހަމަވާނީ، ޑިސެމްބަރު 10 ވަނަ ދުވަހުގެ މެންދުރު 14:00 އަށެވެ.