ރާއްޖޭގައި ފަސް މިލިއަން ގަސް އިންދުމުގެ މަޝްރޫއެއް ހިންގުމަށް ރައީސުލްޖުމްހޫރިއްޔާ ޑރ.މުހަންމަދު މުއިއްޒު ވެވަޑައިގަންނަވާފައިވާ ވައުދު ފުއްދުމަށްޓަކައި، ޕާކިސްތާނުން އެހީވާނޭކަމަށް އެޤައުމުން ބުނެފިއެވެ.
ދުބާއީގައި ކުރިއަށްދާ ކޮޕް28 ކޮންފަރެންސްގައި ރައީސް ޑރ. މުއިއްޒު ވަނީ ވަގުތީ ގޮތުން ޕާކިސްތާނުގެ ބޮޑު ވަޒީރު ކަމާއި ހަވާލުވެގެން ހުންނެވި އަންވާރުލް ޙައްޤު ކަކަރް އާއި ބައްދަލުކުރައްވާފައެވެ.
މިބައްދަލުކުރެއްވުމުގައި، ދެޤައުމަށް ފައިދާހުރި ކަންކަމާ ގުޅޭގޮތުންނާއި އަދި ދެޤައުމުގެ މަސްލަހަތާއި ގުޅޭ ދާއިރާތަކުން، މިހާރަށްވުރެ ބޮޑަށް ގުޅުން ބަދަހިކުރެވޭނެ ގޮތްތަކާއި ބެހޭގޮތުން ދެބޭފުޅުން ވަނީ މަޝްވަރާކުރައްވާފައެފެ.
އެގޮތުން ކުރިއަށް އޮތް ފަސް އަހަރުގެ ތެރޭގައި, ފަސް މިލިއަން ގަސް އިންދުމުގެ ބޮޑު މަޝްރޫއެއް ކުރިއަށް ގެންދެވުމަށް ރައީސް އިއުލާނުކުރެއްވުމާއި ގުޅިގެން، އެ ވަޢުދުފުޅު ހާސިލްކުރުމަށް މަސައްކަތްކޮށްދެއްވާނެކަމަށް ފާކިސްތާނުގެ ބޮޑުވަޒީރު ވަނީ ވިދާޅުވެފައެވެ.
ޔުނައިޓެޑް އަރަބް އެމިރޭޓްސް (ޔޫ.އޭ.އީ)ގެ ދުބާއީގައި މިހާރު ކުރިއަށްދާ ކޮޕް28 ކޮންފަރެންސްގައި ރައިސް ޑރ. މުއިއްޒު ވަނީ ގިނަ ޤައުމުތަކެއްގެ އިސްވެރިންނާއި ބައްދަލުކުރައްވާފައެވެ. އަދި އަވައްޓެރި މި ޤައުމުތަކާއި އިތުރަށް ގުޅުން ބަދަހިކޮށް، ޤައުމަށް އިތުރު ކުރިއެރުން ގެނެވޭނޭ ގޮތްތަކާއި ގުޅޭގޮތުން މި ބައްދަލުންވުންތަކުގައި ވަނީ މަޝްވަރާކުރައްވާފައެވެ.
Advertisement
This content is created and paid for by advertisers and does not involve Voice Journalists
