އަމީނީމަގު ހެދުމުގެ މަސައްކަތާއި އެކު މާލޭގައި ދޭ ބަހުގެ ޚިދްމަތުގެ ރޫޓަށް ބޮޑު ބަދަލެއް ގެނެސްފިއެެވެ.

އެމްޓީސީސީ އިން ދެމުންދާ ބަހުގެ ޚިދްމަތުގެ ދަށުން އަމީނީ ރޫޓް ބަހުގެ ރޫޓަށް ގެނެސްފައިވާ ބަދަލުގެ ތެރެއިން ރޫޓް 11 ގެ ބަސްތައް ދެން ދުއްވާނީ އަމީނީ މަގުންގޮސް ހަނދުވަރީ ހިނގުމުން އެޅުމަށްފަހު މަޖީދީ މަގަށް އަޅައިގެނެވެ.

މީގެއިތުރުން އޯކިޑް ރޫޓް ބަސް ދެެން ދުއްވާނީ މަޖީދީ މަގުންގޮސް ވެސްޓު ޕާކު ސްޓޮޕުން އަނބުރާލާ ގޮތަށެވެ. އަދި މޭލެއާއި ހުޅުމާލެއާ ދޭތެރޭ ދަތުރުކުރާ ބަސްތައް މާލެއިން ފަށާ އަދި ނިންމާ ސްޓޮޕަކަށް މާފަންނު ބަސް ޓާމިނަލް ވަނީ ބަދަލުކޮށްފައެެވެ.

އަމީނީމަގުގެ ސެގްމެންޓް 12 އަދި 13 ގެ މަސައްކަތް ކުރަނީ އާރްޑީސީ އިންނެވެ. އެމަސައްކަތް ފަށައިފައިވަނީ މިއަދު ހެނދުގެ މަގުތެއްގައެވެ. ނަމަވެސް ރޭގެ އިރުއޮއްސި 6:00ން ފެށިގެން އެސަރަހައްދު ވަނީ ބަންދުކޮށްފައެވެ.

ނިމިދިޔަ ސަރުކާރުން 2022 ގައި ފެށި އަމީނީ މަގު ތަރައްޤީ ކުރުމުގެ މަޝްރޫއުގެ ދަށުން ނިންމާލެވިފައިވަނީ ފުރަތަމަ 11 ސެގްމެންޓެވެ. ފަހު ދެ ސެގްމެންޓުގެ މަސައްކަތް ދައުރު ނިމުމުގެ ކުރިން ނިމޭނެ ކަމަށް ކުރީގެ ޕްލޭނިން މިނިސްޓްރީއިން ބުނެފައި ވީ ނަމަވެސް އެ މަސައްކަތް ފެށިފައެއްވެސް ނުވެ އެވެ. 

އެމަސައްކަތް ނުނިމި ގިނަ ދުވަސްތަކެއް ދިޔުމަށްފަހު މިސަރުކާރުން މިވަނީ މިމަސައްކަތް ފަށައިފައެވެ.

އަމީނީ މަގު ޒަމާނީ ފެންވަރަށް ތަރައްޤީ ކުރުމުގެ ގޮތުން ތާރު އަޅައިގެން އެ މަގު ހެދުމުގެ މަސައްކަތް އާރުޑީސީން ފެށީ މިދިޔަ އަހަރު އޯގަސްޓު، 30، ގަ އެވެ. މި މަސައްކަތް އެ ކުންފުންޏާ ހަވާލު ކުރީ 210 ދުވަސް ތެރޭގައި ނިންމާ ގޮތަށެވެ. މެއި 28، 2023 އަށް އެ މުއްދަތު ވަނީ ހަމަވެފަ އެވެ.