އިއްޔެ ފެށިގެން ދިޔަ، ބޯހިޔާވަހިކަމުގެ ބިޔަ މަޝްރޫޢު އިން ބިންގާ އެޅިގެންދިޔަ 'ރަސްމާލެ' އަށް ދަތުރު ފަތުރު ކުރުމަށް ބޭނުންކުރާނެ ފެރީގެ ނިޒާމަކީ ދަތުރު ކުރާއިރު ކަނޑުގެ ރާޅާއި އޮއިގައި އެހާބޮޑަށް ނުޖެހި ދުއްވޭ ކަހަލަ ފެރީގެ ނިޒާމެއް ކަމަށް ރައީސުލްޖުމުހޫރިއްޔާ ޑރ މުހައްމަދު މުޢިއްޒު ވިދާޅުވެއްޖެއެވެ.
ރަސްމާލެ މަޝްރޫޢު އަށް ބިންހިއްކުމުގެ މަސައްކަތް ފެއްޓެވުމަށް އިއްޔެ ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް މުޢިއްޒު ވިދާޅުވީ، ރަސްމާލެ އަށް ދަތުރުފަތުރު ކުރުމަށް ގެންނަން ހަމަޖެހިފައިވަނީ ރާޅުގެ އުނދަގޫ ނުޖެހި ދަތުރު ކުރެވޭ ހައި ސްޕީޑް ފެރީގެ ނިޒާމެއް ކަމަށެވެ.
"މިތަނަށް ޓްރާންސްޕޯޓުގެ ގޮތުން ބަލާނަމަ މިހާރު ބޭނުންކުރާ އެކްސްޕްރެސް ޓްރާންސްޕޯޓް ސިސްޓަމް އެބަހުރި. ކަނޑުގެ ރާޅުގައި ނުވަތަ އޮއިގައި އެހާބޮޑަށް ނުޖެހި ދުއްވޭ ކަހަލަ ފެރީ ނިޒާމް އެބަހުރި. އެކަހަލަ ހައި ސްޕީޑް ފެރީ ނިޒާމް ގެންނަން ހަމަޖެހިފައިވާ.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
ޖަޕާންގައި ބޭނުން ކުރާ، ރާޅާއި އޮއިގެ އުނދަގުލުގައި ނުޖެހި ރާޅު މަތިން ދަތުރު ކުރާ ހައިޑްރޯ ފޮއިލް ފެރީއެއް--
މީގެ އިތުރުން ރަސްމާލެ އަށް ދަތުރުފަތުރު ކުރުމަށް އިތުރަށް ފަސޭހަ ކުރުމަށްޓަކައި އެތަނާއި އެންމެ ކައިރީގައި އޮތް ފަޅުގައި ވެލާނާ އިންޓަނޭޝަނަލް އެއާޕޯޓަށް އުނދަގޫ ނުވާނެ ގޮތަކަށް އިތުރު އެއާ ސްލިޕެއް ވެސް ގާއިމް ކުރައްވާނެކަމަށް ރައީސް މުޢިއްޒު ވިދާޅުވި އެވެ.
މީގެ އިތުރުން މިތާ އެންމެ ކައިރީގައި އޮތް ފަޅުގައި ވެލާނާ އިންޓަނޭޝަނަލް އެއާޕޯޓަށްވެސް އުނދަގޫ ނުވާނެ ގޮތަކަށް އިތުރު އެއާ ސްލިޕެއް ވެސް ގާއިމް ކުރާނަން. ގާއިމްކޮށް އެތަނުން ރަސްމާލެ އާއި، ވަރަށް ކައިރި ކަނޑު އޮޅިއެއް އޮންނަނީ ، ކުޑަ ކުޑަ, ކަނޑުއޮޅި އެއް، (އެތަނާ) ގުޅުވާލާނަން. ގުޅުވާލީމާ އެގޮތުންވެސް އެ ގުޅިގެން ދިޔައީ.
ރައީސުލްޖުމްހޫރިއްޔާ ޑރ މުހައްމަދު މުޢިއްޒު
ރައީސް މުޢިއްޒު ވިދާޅުވީ، ރަސްމާލެ ވެގެންދާނީ، ގެދޮރުވެރި ކަމާއި، ވިޔަފާރި އާއި ވަޒީފާގެ ފުރުސަތުތައް ރައްޔިތުންނަށް ހޯދައިދޭނެ ސިޓީއަކަށް ކަމަށެވެ.
އަދި އެތަން ތަރައްގީ ކުރާނީ ތިމާވެއްޓާ ރައްޓެހި، ފެހި، ކާބަން ފްރީ އިކޯ ސިޓީއެއްގެ ގޮތުގައި ކަންވެސް އެމަނިކުފާނު ފާހަގަކުރެއްވިއެވެ.
އިއްޔެގެ ރަސްމިޔާތު ގައި ވާހަކަ ދައްކަވަމުން ރައީސް މުޢިއްޒު ވަނީ ވަޢުދުވެވަޑައިގެންނެވި ގޮތަށް މަސައްކަތް ފަށާތާ 8 މަސްދުވަހުގެ ތެރޭގައި ފުށިދިއްގަރު ފަޅުގައި 1150 ހެކްޓަރުގެ ބިން ހިއްކާނެކަމަށެވެ.
Advertisement
This content is created and paid for by advertisers and does not involve Voice Journalists
