އެމްޑަބްލިއުއެސްސީގައި މަަސައްކަތްކުރާ ލޯފަން އަންހެން މުވަޒަފަކު އޮފީހަށް ގެންގޮސްދޭނެ ފަރާތެއް ބޭނުންވެ، އެހީއަށް އެދިއްޖެއެވެ. 

'ވޮއިސް' އަށް މަޢުލޫމާތު ދެއްވަމުން އެހީއަށް އެދުނު މީހާ ބުނީ، އޭނާ އަކީ ހުޅުމާލޭ ދެވަނަ ފިޔަވަހީގައި ދިރިއުޅެމުންދާ  މީހެއް ކަމަށެވެ. 

އަދި ބޭނުންވަނީ ކޮންމެ ދުވަހަކު ހެނދުނު މާލޭގައި ހުންނަ، އެމްޑަބްލިޔުއެސްސީގެ ހެޑް އޮފީހަށް ގެންގޮސްދޭނެ އަންހެން ބޭފުޅަކު ކަމަށެވެ.

އެހީއަށް އެދުނު ފަރާތަކީ 8 ޖަހާއިރަށް އޮފީހަށްދާ މީހެއް ކަމުން، ހެނދުނު 7:15 ނުވަތަ ލަސްވެގެން 7:30 ގައި އޭނާ ދިރިއުޅޭ ތަނަށް އައިސް ގަޑީ ނުޖެހި އޮފީހަށް ގެންގޮސްދިނުމަށް އޭނާ ވަނީ އެދިފައެވެ. 

މިކަމަށް ޝައުގުވެރިވާ އަންހެން ބޭފުޅެއް ހުރި ނަމަ، އިތުރު މަޢުލޫމާތު ހޯދުމަށް 7982378 ގުޅާލުމަށް އޭނާ އެދިފައި ވެއެވެ.