އެމްއެންޕީގެ ލީޑަރ އަދި ރައްޔިތުންގެ މަޖިލިހުގެ ދަނގެތީ ދާއިރާގެ މެމްބަރު ކާނަލް ރިޓަޔަރޑް މުހައްމަދު ނާޒިމްވެސް ރައީސުލްޖުމްހޫރިއްޔާ ޑރ މުހައްމަދު މުއިއްޒުއާއި ބައްދަލުކުރައްވައިފިއެވެ.
ރައީސުލް ޖުމްހޫރިއްޔާެގ އޮފީހުގައި މިއަދު ކުރިއަށްދިޔަ މި ބައްދަލުކުރެއްވުމުގައި ދެ ބޭފުޅުންގެ ދެމެދުގައި މަޝްވަރާ ކުރެވުނު ކަންކަމާއި ގުޅިގެން ރައީސްއޮފީހުންވެސް އަދި ކާނަލް ނާޒިމްގެ ފަރާތްޕުޅުންވެސް އަދި ވަކި އެއްޗެއް ހާމަކޮށްފައެއް ނުވެއެވެ.
ނިމިދިޔަ ރިޔާސީ އިންތިޚާބުގެ ދެވަނަ ބުރުގައި ކާނަލް ނާޒިމްއާއި އެބޭފުޅާގެ ޕާޓީ، އެމްއެންޕީން މަސައްކަތް ކުރެއްވީ ވެރިކަން ކުރާ ޕާޓީ ޕީއެންސީއާއެކުއެވެ.
އަދި ކުރިއަށް އޮތް ރައްޔިތުންގެ މަޖިލިހުގެ އިންތިޚާބުގައިވެސް ސަރުކާރާއި އެކު މަސައްކަތްކުރުމަށް އެ ޕާޓީގެ ނަމުގައި ރައްޔިތުންގެ މަޖިލިހުގެ ދާއިރާތަކަށް ކުރިމަތިލުމުގެ ފުރުސަތު އެމްއެންޕީންވަނީ މީގެ ދުވަސްކޮޅެއް ކުރިން ހުޅުވާލައިފައެވެ.
ނާޒިމްގެ އިތުރުން ޖޭޕީގެ ލީޑަރ ޤާސިމް އިބްރާހިމްއާއި ، އެމްޑީއޭގެ ލީޑަރ އަހްމަދު ޝިޔާމްވެސް ވަނީ ރައީސް ޑރ މުޢިއްޒާއި ބައްދަލު ކުރައްވައިފައެވެ.
މި ދެ ބައްދަލުވުންވެސް ކުރިއަށް ގޮއްސައިވަނީ ރައީސް އޮފީހުގައެވެ.
Advertisement
This content is created and paid for by advertisers and does not involve Voice Journalists
