ހދ. ކުޅުދުއްފުށީ އެއާޕޯޓާއި އެ ސަރަހައްދަށް ބޮޑެތި ބަދަލުތަކެއް ގެނައުމުގެ މަސައްކަތް ރީޖަނަލް އެއާޕޯޓްސް ކޮމްޕެނީ, އާރްއޭސީއެލް އިން ފަށައިފިއެވެ.
މިކާމާއި ގުޅިގެން އާރްއޭސީއެލް އިން ނެރުނު ނޫސް ބަޔާނެއްގައި ބުނީ، ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ ވަޢުދުފުޅާއި އެއްގޮތަށް ސަރުކާރުގެ ހަފްތާ 14 ގައި ހިމެނޭ ކުޅުދުއްފުށީ އެއަރޕޯޓްގެ ޕަސެންޖަރ ޓަރމިނަލްގެ ޙިދުމަތްތައް ފުޅާކުރުމުގެ ޢަމަލީ މަސައްކަތްތައް ފެށުމުގެ ތައްޔާރީތައް އެ ކުންފުނިން ވަމުންދާ ކަމަށެވެ.
އާރްއޭސީއެލް އިން ބުނީ، ކުންފުނީގެ މެނޭޖިންގ ޑިރެކްޓަރ، އަޙްމަދު މުބީން ކުންފުންޏާއި ހަވާލުވެވަޑައިގެންނެވި ފުރަތަމަ ދުވަހުން ފެށިގެން އެންމެ ބޮޑު އިސްކަމެއް ދެއްވާފައިވާ އެއް މަޝްރޫއު އަކީ ކުޅުދުއްފުށި އެއަރޕޯޓަށް ގެންނަންޖެހޭ ބަދަލުތައް ދެނެގަނެ، އިތުރުކުރަންޖެހޭ އެންމެހައި ޙިދުމަތްތަކެއް އިތުރު ކުރުމާއި، ޕަސިންޖަރުންނަށް އެއަރޕޯޓުން އަދި ޓަރމިނަލް އިން ލިބެންޖެހޭ އެންމެހައި ޙިދުމަތްތައް ހިމެނޭ ގޮތަށް ކޮންސެޕްޓް ކުރެހުމެއް ތައްޔާރު ކުރުން ކަމަށެވެ.
އަދި މިވަގުތު ކޮންސެޕްޓް ކުރެހުމުގެ ބޮޑުބައި ނިމިފައިވާއިރު، އެންމެފަހުން އާރްއޭސީއެލްގެ އެމްޑީ ކުޅުދުއްފުއްޓަށް ކުރެއްވި ދަތުރުގައި ކުޅުދުއްފުށި ކައުންސިލާއި ބައްދަލު ކުރައްވައި އެ ސިޓީ ކައުންސިލްގެ ބޭފުޅުންނާއި އާރް.އ.ޭސ.ީއެލްގެ ފަރާތުން ހަދާފައިވާ ކޮންސެޕްޓް ކުރެހުން ހުށަހަޅުއްވައި އެއާ ގުޅޭގޮތުން ހިޔާލު ހޯއްދަވާފައިވާ ކަންވެސް ފާހަގަކޮށްފައިވެއެވެ.
ކުޅުދުއްފުށީ އެއާޕޯޓް ތަރައްގީކުރުމަށް އާރްއޭސީއެލް އިން މިފަށާ މަސައްކަތުގެ ދަށުން ހެދޭ އައު ޓަރމިނަލްގައި ޑިޕާޗަރ އަދި އެރައިވަލް ޓަރމިނަލް ބޮޑުކުރެވި، ޑޮމެސްޓިކް އޮޕަރޭޝަންތަކަށް ބޭނުންކުރާ އެންމެ ބޮޑެތި އެއަރ ކްރާފްޓްތަކަށް ޙިދުމަތް ދެވޭ ޓަރމިނަލްއަކަށް އެ ޓާމިނަލް ވެގެން ދާނެކަން އެ ކުންފުނިން ފާހަގަކޮށްފައި ވެއެވެ.
މީގެ އިތުރުން، އަލަށް ހެދޭ ޓަރމިނަލްގައި ދަތުރުކުރާ ފަރާތްތަކަށާއި އާއްމު ފަރާތްތަކަށް ބޭނުންވާ ހިދުމަތްތައް ފުރިހަމައަށް ލިބެން ހުންނާނެކަމަށް އެކުންފުނިން ބުނެއެވެ.
އެގޮތުން، ފާހަނަ، މައިންނަށް ހާއްސަ ކުރެވިފައިވާ ކޮޓަރި، ނަމާދު ކުރާ ކޮޓަރި، ކެފޭގެ ހިދުމަތް، ދަތުރުކުރާ ފަތުރުވެރިންނަށް ނުވަތަ އެހެން ފަރާތްތަކަށް މަޢުލޫމާތު ދޭނެ ކައުންޓަރ ފަދަ ހިދުމަތްތަކާއި ސްޓާފުންނަށް ބޭނުންވާ ވަސީލާތްތަކާއި ޙިދުމަތްތައް ގާއިމްކުރެވިގެންދާނެކަން ފާހަގަކޮށްފައިވެއެވެ.
އަދި ހަމައެހެންމެ، މި މަޝްރޫޢުގެ ދަށުން، އެއަރޕޯޓުގެ ސަރަހައްދަށް ބޭނުންވާ ޕާކިންގެ ޙިދުމަތްތަކާއި، އެއަރޕޯޓަށް އިތުރު ފުރިހަމަކަން ގެނެސްދޭނެ އެހެންވެސް ކަންކަން ހިމެނިފައިވާ ކަމަށް އާރްއޭސީއެލް އިން ބުނެއެވެ.
މިބަދަލުތަކާއެކު އާރ.ްއ.ޭސ.ީއެލްއިން ދަނ،ީ ކުޅުދުއްފުށި އެއަރޕޯޓުގައި ހިމެނޭ ސަރަހައްދަށް އިތުރު އިންގިލާބީ ބަދަލުތަކެއް ގެނައުމުގެ މަސައްކަތް ތަކެއް ކުރަމުންނެވެ.
އޮގޮތުން ޓުއަރިޒަމާއި ގުޅުންހުރި ކަންކަން އެއަރޕޯޓުގެ އިތުރަށް އޮތް ހުސްބިމުގައި ތަޢާރަފް ކުރުމަށް އާރް .އ.ޭސ.ީއެލް އާއި ކައުންސިލާއެކުވަނީ ސޮއިކުރެވިފައެވެ.
މިކަންކަމުގެ ސަބަބުން ކުޅުދުއްފުށި ސިޓީއަށް އިތުރަށް ފުރިހަމަކަން ގެނެސްދީ އެ ސަރަހައްދުގައި ފަތުރުވެރިކަން އިތުރަށް ފުޅާވުމަށް އެހީ އަކަށް ވެގެންދާނެ އެވެ.
Advertisement
This content is created and paid for by advertisers and does not involve Voice Journalists
