ދިވެހިރާއްޖެއާއި އިންޑިއާގެ އަސްކަރިއްޔާއާ ދެމެދު ކުރިއްދާ އަސްކަރީ ހަރަކާތްތައް ކުރިއަށް ގެންދެވޭނެ ގޮތްތަކާއި ގުޅޭ ގޮތުން ޗީފް އޮފް ޑިފެންސް ފޯސް ލެފްޓިނެންޓް ޖެނެރަލް އަބްދުއްރަހީމް އަބްދުއްލަތީފާއި އިންޑިއާގެ ސަފީރު މުނޫ މަހާވަރް މަޝްވަރާކުރައްވައިފިއެވެ.

އެމްއެންޑީއެފްގެ އިންޓަގްރޭޓެޑް ހެޑްކުއާޓާގައި ބޭއްވުނު މި މަޝްވަރާ ބައްދަލުވުމުގައި އިންޑިއާ އެމްބަސީގެ ޑިފެންސް އެޑްވައިޒަރު ކެޕްޓަން ޑީޕަކް ބާލީ ވެސް ބައިވެރިވެވަޑައިގަތެވެ.

މި ބައްދަލުވުމާއި ގުޅިގެން އެކްސްގައި ކުރެއްވި ޕޯސްޓުގައި އަބްދުއްރަހީމް ވިދާޅުވީ އެ ބައްދަލުވުމުގައި މިހާރު އިންޑިއާއާއެކު ހިނގަމުންދާ ޑިފެންސް ކޯޕަރޭޝަން ހަރަކާތްތައް ރިވިއު ކޮށްފައިވާނެ ކަމަށެވެ.

Advertisement

އަދި ބައްދަލުވުމުގައި ދެ ގައުމުގެ ދެމެދުގައި މިހާރު ކުރިއަށްދާ އަސްކަރީ އެކި އެކި ހަރަކާތްތައް ކުރިއަށް ގެންދެވޭނެ ގޮތްތަކާ ގުޅޭގޮތުން މަޝްވަރާކުރި ކަމަށްވެސް ވިދާޅުވި އެވެ.

މީގެއިތުރުން ސަލާމަތީ ކަންކަމުގައި އިންޑިއާގެ އެންބާރުލުން ދިނުމާއި މެދުވެސް މަޝްވަރާ ކުރެއްވި ކަމަށް އަބްދުއްރަހީމް ފާހަގަކުރެއްވި އެވެ.