ރައްޔިތުންގެ މަޖިލީހުން މި ސަރުކާރުގެ ވަޒީރުންނަށް ރުހުން ދިނުން ލަސްވާތީ މޯލްޑިވްސް ޑިވޮލޮޕްމެންޓް އެލަޔަންސް (އެމްޑީއޭ)އިން ކަންބޮޑުވުން ފާޅުކޮށްފި އެވެ.
އެމްޑީއޭއިން ވަނީ ކަންބޮޑުވުންފާޅުކޮށް ބަޔާނެއް ނެރެފައެވެ.
މިބަޔާނުގައި އެ ޕާޓީން ބުނީ ވަޒީރުންނަށް ރުހުން ދިނުމަކީ މަޖިލީހުން ކުރަންޖެހޭ ކަމަކަށްވާއިރު އެކަން ނުކޮށް ލަސްކުރުމަކީ ބަލައިގަނެވޭނެ ކަމެއް ނޫން ކަމަށެވެ.
މީގެ އިތުރުންވެސް އެމްޑީއޭގެ ބަޔާނުގައި ވަނީ ވަޒީރުންނަކީ ދައުލަތް ހިންގުމުގެ އާންމު ސިޔާސަތުތައް ކަނޑައެޅުމުގައި ރައީސަށް މަޝްވަރާ ދިނުމާއި އެހީތެރިވެދިނުމާއި ގާނޫނުއަސާސީއާއި ގާނޫނުތަކާ އެއްގޮތްވާ ގޮތުގެ މަތިން ސަރުކާރުގެ ސިޔާސަތުތައް ކަނޑައަޅައި ތަންފީޒުކޮށް، ކަންކަން ހިނގައި ނުހިނގާ ގޮތް ބެލުމުގެ ޒިންމާ އޮތް ބޭފުޅުން ކަމަށެވެ.އެހެންކަމުން ވަޒީރުންނަށް ރުހުން ނުދީ ލަސްކުރުމަކީ ރައްޔިތުން އިންތިހާއަށް ކަންބޮޑުވަމުންދާ މައްސަލައެއް ކަމަށް އެމްޑީއޭ އިން ވަނީ ފާހަގަކޮށްފައެވެ.
ހަމަ އެހެންމެ ރައްޔިތުންގެ ބޮޑު އަޣުލަބިއްޔަތަކުން ހޮވާފައިވާ ސަރުކާރަކަށް ދަތިވާ ގޮތަށް ދައުލަތުގެ އެއްވެސް ބާރަކުން އަމަލު ކުރުން އެއީ ބަލައިގަނެވޭނެ ކަމެއް ނޫން ކަމަށްވެސް އެ ޕާޓީން ވަނީ ބުނެފައިއެވެ.
އެމްޑީއޭ އިން މިހެން ބުނެފައި ވާއިރު، ރުހުން ދިނުން އެޖެންޑާ ނުކޮށް 19 ވަަނަ މަޖިލީހުގެ މި އަހަރުގެ ފަހު ޖަލްސާ ވަނީ މާދަމާއަށް އެޖެންޑާ ކޮށްފައެވެ.
Advertisement
This content is created and paid for by advertisers and does not involve Voice Journalists
