މި ފެށުނު 2024 ވަނަ އަހަރު ރާއްޖެއަށް ޒިޔާރަތް ކުރި ފުރަތަމަ ފަތުރުވެރިޔެއްގެ ގޮތުގައި އިނގިރޭސި ރައްޔިތެއް ކަމަށްވާ ބަންޖަމިން ޑަންކަން މޫރޭ ހިމެނިއްޖެއެވެ.

މިފެށުނު އާ އަހަރުގެ ފުރަތަމަ ފަތުރުވެރިޔާ ރާއްޖެ އައުމުން ވެލާނާ އިންޓަނޭޝަނަލް އެއާޕޯޓް ވީއައިއޭ އިން ވަނީ އޭނާއަށް ވަރަށް ހޫނު މަރުޙަބާއެއް ކިޔާފައެވެ.  

އެގޮތުން އާ އަހަރު ރާއްޖެއައި ފުރަތަމަ ފަތުތުރުވެރިޔާ ކަމަށްވާ އިނގިރޭސިވިލާތުގެ ބަންޖަމިން ޑަންކަން މޫރޭ މަރުހަބާ ކިޔުމަށް ޓަކައި ރާއްޖޭގެ ފަތުރުވެރިކަމާއި ބެހޭ ވަޒީރު އިބުރާޙިމް ފައިސަލް އާއި ފަތުރުވެރިކަން ޕްރޮމޯޓް ކުރުމަށް އުފައްދާފައިވާ އެމްއެމްޕީއާރްސީގެ އިސްވެރިން ވަނީ ވީއައީއޭ އަށް ވަޑައިގެން މަރުޙަބާ ދެންނެވުމުގެ ކަންތައްތަކުގައި ބައިވެރިވެ ވަޑައިގަންނަވާފައެވެ.

Advertisement

އާ އަހަރު ރައްޖެއަށް ޒިޔާރަތްކުރި ފުރަތަމަ ފަތުރުވެރިޔާއަށް މަރުޙަބާ ކިޔުމަށް ފަހު ފަތުރުވެރިކަމާއި ބެހޭ ވަޒީރުވަނީ އެކަމާއި ގުޅިގެން އެކްސް ގައި ކުރައްވާފައިވާ ޕޯސްޓެއްގައި ވަނީ މި އަހަރަށް އަމާޒު ހިފާފައިވާ ލަނޑު ދަނޑިތަކަށް ވާސިލު ވުމަށްޓަކައި އިތުރު މާކެޓުތައް ޑައިވާސިފައިކޮށް ބަލާނެ ކަމަށް ވިދާޅުވެފައެވެ.

ކޮންމެ އަހަރަކަށް ވެސް ފަތުރުވެރިކަމާއި ބެހޭ ވުޒާރާއިން ވަކި ލަނޑުދަނޑިތަކެއް ކަނޑަ އަޅުއްވާފައި ވާއިރު ވޭތުވެދިޔަ 2023 އަށް އަމާޒު ހިފި 1.8 މިލިޔަން ފަތުރުވެރިންގެ އަދުދު ވަނީ ހާސިލްވެ ރާއްޖެ ޒިޔާރަތް ކުރި ފަތުރުވެރިންގެ އަދަދު 1.8 މިލިއަނަށްވުރެ އިތުރުވެގެން ގޮސްފައެވެ.

ފަތުރުވެރިކަމާއި ބެހޭ ވަޒީރު އިބުރާޙިމް ފައިސަލް ވިދާޅުވެފައިވަނީ މި ފެށުނު އާ އަހަރުގެ އަމާޒަކީ 2 މިލިއަން ފަތުވެރިން ރާއްޖެ ގެނެވޭތޯ ބެއްލެވުން ކަމަށެވެ.