ދ. މީދޫ ދާއިރާގެ މެމްބަރ އަދި ސަން ސިޔާމް ގްރޫޕުގެ ޗެއާމަން، މަޝްޙޫރު ވިޔަފާރިވެރިޔާ އަޙްމަދު ސިޔާމުގެ ބައްޕާފުޅު ނ. ކުޑަފަރި މުޙައްމަދު ޤާސިމް އަވަހާރަވެއްޖެއެވެ.
މޯލްޑިވްސް ޑިވެލޮޕްމަންޓް އެލައަންސް (އެމްޑީއޭ) ގެ ރައީސްކަން ވެސް ކުރައްވާ މެމްބަރ ސިޔާމުގެ ބައްޕާފުޅު އަވަހާރަވެފައި ވަނީ ރަށުގައި ހުންނަވަނިކޮށް ދިމާވި އާލާސްކަން ފުލަކަށް ފަރުވާ ދިނުމަށްޓަކައި މީގެ ދެ ދުވަސްކުރިން މާލެ ގެނެސް އޭޑީ ކޭ ހޮސްޕިޓަލުގައި ފަރުވާ ދެމުން ގެންދަނިކޮށެވެ.
ސިޔާމްގެ ބައްޕާފުޅު، މުޙައްމަދު ޤާސިމްއަކީ ނ. ކުޑަފަރީގެ ކަތީބުކަން ވަރަށް ގިނަ ދުވަހު ކުރެއްވުމުގެ އިތުރުން ، ކުޑަފަރި ސްކޫލުގެ ނާޒިރުކަން ވެސް ކުރައްވާފައިވާ އެރަށަށް ނުހަނު ގިނަގުނަ ތަރައްޤީއަށް ކުރިއެރުން ގެންނެވުމަށް މަސައްކަތް ކުރެއްވި ވަރަށް ޚިދުމަތްތެރި ބޭފުޅެކެވެ.
އަލްމަރުހޫމް މުޙައްމަދު ޤާސިމް އަވަހާރަވި އިރު ޢުމުރުފުޅަކީ 81 އަހަރެވެ.
Advertisement
This content is created and paid for by advertisers and does not involve Voice Journalists
